கிறிஸ்துவின் நியாயாசனம்

.

ஏனென்றால், சரீரத்தில் அவனவன் செய்த நன்மைக்காவது தீமைக்காவது தக்க பலனை அடையம்படிக்கு, நாமெல்லாரும் கிறிஸ்துவின் நியாயாசனத்திற்கு முன்பாக வெளிப்படவேண்டும். - (2கொரிந்தியர் 5:10).

.
இயேசுகிறிஸ்து சீக்கிரம் வரப்போகிறார் என்றும், அவரது வருகையில் மரித்தவர்கள் முதலாவது எழுந்தரிப்பார்கள் என்றும், உயிரோட இருப்பவர்கள் அவருடைய சாயலாக மாறி, மறுரூபமாக்கப்பட்டு, நடு வானத்தில் இயேசுவை சந்தித்து, அப்படியாக நித்திய நித்தியமாய் அவரோடு கூட இருப்போம் என்றும் நாம் அனைவரும் அறிந்திருக்கிறோம். அதுவே இயேசுகிறிஸ்துவின் இரகசிய வருகை அல்லது Rapture என்றழைக்கப்படுகிறது.

.

அப்படி இயேசுவோடு என்றும் இருக்கும்படி அழைக்கப்பட்டிருக்கிற நாம் அவரோடு என்றும் வாழ்ந்து, பொன் வீதியில் உலாவி, பளிங்கு போன்ற ஜீவத்தண்ணீருள்ள சுத்தமான நதியில் விளையாடி, ஜீவவிருட்சத்தின் கனியை புசித்து, எல்லாவற்றிற்கும் மேலாக பிதா குமாரன் பரிசுத்த ஆவியானவரின் பிரசன்னத்தில் திளைத்து மகிழ்ந்து வாழ்வதற்கு முன் இயேசுகிறிஸ்துவின் நியாயசனத்திற்கு முன் நாம் அனைவரும் நிற்க வேண்டும். இந்த நியாயத்தீர்ப்பு கிறிஸ்தவர்களுக்கு அல்லது கிறிஸ்துவை ஏற்று கொண்ட ஒவ்வொருவரும் ஒன்றன்பின் ஒன்றாக நாம் இந்த சரீரத்தில் இருக்கும்போது செய்த ஒவ்வொரு காரியங்களுக்கும், கிரியைகளுக்கும் இயேசுகிறிஸ்துவினிடத்தில் கணக்கு ஒப்புவிக்க வேண்டும். கிறிஸ்துவை அறியாத மற்றவர்களுக்கு வெள்ளை சிங்காசன நியாயத்தீர்ப்பு வழங்கப்படும். அதில் கிறிஸ்தவர்கள் போய் நிற்க தேவையில்லை.

.

இந்த கிறிஸ்துவின் நியாயத்தீர்ப்பு கிறிஸ்தவர்களாயிருக்கிற சிறியோர் பெரியோர் ஒவ்வொருவருக்கும் வழங்கப்படும். இதிலிருந்து தப்ப யாராலும் முடியாது. நம் பெயர் அறிவிக்கப்படும்போது நாம் சென்று நம் வாழ்வில் செய்த ஒவ்வொரு காரியத்தை குறித்தும் கணக்கு ஒப்புவிக்க வேண்டும். அங்கு நாம் ஏன் இந்த காரியத்தை செய்தோம் என்று தேவனிடம் வழக்கிட முடியாது. வாதிட முடியாது. ஏனென்றால் அங்கு எல்லாம் சரியாக பதிவு செய்யப்பட்டிருக்கிறது. அவரிடமிருந்து எதையும் மறைக்கவும் மாற்றவும் முடியாது. ஏனெனில் 'அவருடைய பார்வைக்கு மறைவான சிருஷ்டி ஒன்றுமில்லை; சகலமும் அவருடைய கண்களுக்குமுன்பாக நிர்வாணமாயும் வெளியரங்கமாயுமிருக்கிறது, அவருக்கே நாம் கணக்கு ஒப்புவிக்கவேண்டும்' (எபிரேயர் 4:13). அநேகர் அவர்கள் மறைவாக செய்த பாவங்களும் அவர்களுடைய செய்கைகளும் வெளியே அந்த நாளில் கொண்டு வரப்படும்.

.

இந்த நியாயத்தீர்ப்பில் நம் சரீரத்தில் செய்த பாவங்கள் நியாயந்தீர்க்கப்படுவது மட்டுமல்ல, நாம் சரீரத்தில் செய்த நன்மைகளுக்கு பலன்களும் கிடைக்கும். நாம் செய்த நன்மைகளுக்கு தக்கதாக தேவன் நமக்கு அளிக்கும் ஐந்து வகையான கீரிடங்களை குறித்து வேதம் நமக்கு தெளிவாக விளக்குகிறது.

.

1. அழிவில்லாத கிரீடம்: பந்தயத்திற்குப் போராடுகிற யாவரும் எல்லாவற்றிலேயும் இச்சையடக்கமாயிருப்பார்கள். அவர்கள் அழிவுள்ள கிரீடத்தைப் பெறும்படிக்கு அப்படிச் செய்கிறார்கள், நாமோ அழிவில்லாத கிரீடத்தைப் பெறும்படிக்கு அப்படிச் செய்கிறோம். - (1 கொரிந்தியர் 9:25).

.

2. ஜீவக்கிரீடம்: சோதனையைச் சகிக்கிற மனுஷன் பாக்கியவான்; அவன் உத்தமனென்று விளங்கினபின்பு கர்த்தர் தம்மிடத்தில் அன்புகூருகிறவர்களுக்கு வாக்குத்தத்தம் பண்ணின ஜீவகிரீடத்தைப் பெறுவான். - (யாக்கோபு 1:12).

.

3. மகிழ்ச்சியின் கிரீடம்: எங்களுக்கு நம்பிக்கையும் சந்தோஷமும் மகிழ்ச்சியின் கிரீடமுமாயிருப்பவர்கள் யார்? நம்முடைய கர்த்தராகிய இயேசுகிறிஸ்து வரும்போது அவருடைய சந்நிதானத்திலே நீங்களல்லவா அப்படியிருப்பீர்கள். - (2தெசலோனிக்கேயர் 2:19).

.

4. நீதியின் கிரீடம்: இதுமுதல் நீதியின் கிரீடம் எனக்காக வைக்கப்பட்டிருக்கிறது, நீதியுள்ள நியாயாதிபதியாக கர்த்தர் அந்நாளிலே அதை எனக்குத் தந்தருளுவார்; எனக்கு மாத்திரமல்ல, அவர் பிரசன்னமாகுதலை விரும்பும் யாவருக்கும் அதைத் தந்தருளுவார். - (2 தீமோத்தேயு 4:8).

.

5. வாடாத கிரீடம்: அப்படிச் செய்தால் பிரதான மேய்ப்பர் வெளிப்படும்போது மகிமையுள்ள வாடாத கிரீடத்தைப் பெறுவீர்கள். - (1 பேதுரு 5:4).

.

நாம் கிறிஸ்துவுக்காக செய்த ஒவ்வொரு காரியத்திற்கும் ஏற்ற பலன் உண்டு. ஒருவேளை மனிதர்கள் அதை பாராட்டாமல் போகலாம், அதை மதிக்காமல் இருக்கலாம். ஆனால் நாம் கர்த்தருக்காக செய்த ஒவ்வொரு தியாகத்திற்கும், செய்கைக்கும் சரியானபடி பதில் செய்யப்படும். தேவன் அநியாயம் செய்வதில்லை. நாம் அவருக்காக பட்ட பாடுகளுக்கு ஏற்ற பலனை நிச்சயமாய் அவர் அந்நாளில் தருவார்.

.

தேவன் நாம் செய்த ஒவ்வொரு காரியத்தையும் அக்கினிக்கு உட்படுத்துவார். தேவனை மகிமைப்படுத்தும்படி செய்யப்படும் காரியம் எதுவும் அந்த அக்கினிக்கு உட்படுத்தப்படும். நாம் எந்த வழியில், எந்த முறையில், எந்த விதத்தில் எதை மனதில் வைத்து கர்த்தருக்கு ஊழியம் செய்தோம் என்பதை பரிசோதிக்கும் வகையில் அது அக்கினிக்கு உட்படுத்தப்படும். பொன், வெள்ளி, விலையேறப்பெற்ற கல் போன்றவை அக்கினியில் போடப்பட்டாலும் எப்படி நிலைநிற்கிறதோ அதுப்போல நாம் தியாகமாக, தேவ நாம மகிமைக்காக உண்மையாக செய்த ஊழியங்கள் நிலைத்து நிற்கும். மரம், புல், வைக்கோல் போன்றவை நெருப்பில் போட்டால் அழிந்து போவது போல நாம் செய்த காரியங்கள் நம் பெருமைக்காக, நம் தேவைக்காக, நம் புகழுக்காக மட்டுமே இருந்தால் அவை எரிந்து போகும். ஒரு பலனும் நமக்கு கிடைக்காது. லோத்து எப்படி சோதோம் கொமோரா பற்றி எரிகிற போது, வெளியே கொண்டு விடப்பட்டானே ஒழிய அவன் அங்கு சேர்த்து வைத்திருந்த ஒரு பொருளையும் எடுத்து கொள்ள முடியாமற் போனது போல நாம் தப்பித்து கொள்வோமே தவிர நம் கிரியைகள் ஒன்றுக்கும் பலனில்லாமல் போகும்.

.

இது கிறிஸ்தவ ஊழியர்களுக்கு மட்டுமல்ல, ஒவ்வொரு கிறிஸ்தவர்களுக்கும் நடைபெற இருக்கும் நியாயத்தீர்ப்பு. நாம் கர்த்தருடைய நாம மகிமைக்காக எதை செய்தோமோ அது மாத்திரமே அக்கினியின் பரிட்சைக்கு நிலை நிற்கும். மற்றபடி நாம் உலகத்தில் செய்த எந்த காரியமும் அங்கு நிற்காது. அந்த நாளில் நாம் வெட்கப்பட்டு போகாதபடி, நம்முடைய குறிக்கோள்களும், நம்முடைய வழிகளும், நம்முடைய எண்ணங்களும், நம்முடைய செய்கைகளும் கர்த்தருக்கு முன்பாக சரியானதாக, சீரானதாக, தேவனுக்கு மகிமையை கொண்டு வரத்தக்கதாக இருக்கட்டும். நியாயந்தீர்க்கப்படும்போது, கிரீடங்களை பெற்று கொள்கிறவர்களாக நாம் ஒவ்வொருவரும் மாற நம் செய்கைகள் மாறட்டும். உலகத்திற்காக வாழ்ந்தது போதும், தேவனுக்கு பிரியமாக வாழ முடிவு செய்வோம். அதன்படி வாழ்ந்திடுவோம். தேவ நாமம் மகிமைப்படுவதாக, ஆமென்! அல்லேலூயா!
(Anudhina Manna, A Free Daily Devotional)

அற்புதர் இயேசுவே அற்புதர் இயேசுவே

இவ்விதமாக இயேசு இந்த முதலாம் அற்புதத்தைக் கலிலேயாவிலுள்ள கானா ஊரிலே செய்து, தம்முடைய மகிமையை வெளிப்படுத்தினார்; அவருடைய சீஷர்கள் அவரிடத்தில் விசுவாசம் வைத்தார்கள். -(யோவான் 2:11).

.
நம் தேசத்தில் தேவனின் அற்புதத்தை கண்டு கர்த்தரை ஏற்றுக் கொள்கிறவர்கள் அநேகர் இருந்தாலும், அற்புதத்திற்காக மாத்திரம் அவர்கள் கர்த்தரண்டை வருகின்றவர்களாக இருந்தால் அது பரிதாபமானது. உடல் சுகம், உலகப்பிரகாரமான தேவைகள் இவை எல்லாவற்றையும்விட அவர்களின் ஆத்தும இரட்சிப்பு மிகவும் விலையேறப்பெற்றது. அவர்களின் ஆத்துமாவிற்கு விலையே இல்லை.
.
இயேசுகிறிஸ்து அற்புதர்தான். அற்புதங்களை செய்பவர்தான். ஆனால் 'அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை' (யோவான் 12:37) என்று வாசிக்கிறோம். அப்படி தேவனின் அற்புதங்களை கண்டும், பெற்றும் கர்த்தரை விசுவாசிக்கவில்லை என்றால், அவர்கள் பெற்றுக் கொண்ட அற்புதம் வீணாகவே இருக்குமல்லவா?
.
பவுல் அப்போஸ்தலன் 'கர்த்தராகிய தம்மை அவர்கள் தடவியாகிலும் கண்டுபிடிக்கத்தக்கதாகத் தம்மைத் தேடும்படிக்கு அப்படிச் செய்தார்; அவர் நம்மில் ஒருவருக்கும் தூரமானவரல்லவே' (அப்போஸ்தலர் 17:27) என்று சொல்வதுப்போல கர்த்தரை தடவிப்பார்த்தாகிலும் அவரை அறியாதவர்கள் அறிந்து கொள்ளவேண்டும் என்று நாம் ஜெபிக்கும்போதும், அற்புதம் அடையாளங்கள் மூலம் அவர்களை சந்தியும் என்று நாம் ஜெபிக்கும்போதும், கர்த்தர் ஜனங்களை சந்திக்கிறார். ஆனால் அற்புதங்களை பெற்றுக் கொண்ட ஒவ்வொருவரும் கர்த்தரை தங்கள் சொந்த இரட்சகராக ஏற்று அவருக்காக ஜீவிக்கிறார்களா என்றால் அது கேள்விக்குறியானதே!
.
நாம் கர்த்தரை அறியாத ஜனங்களுக்காக ஜெபிக்கும்போது, 'அற்புதங்களை பெற்றுக் கொண்டவர்கள் உம்மை ஏற்றுக் கொண்டு, உமக்காக ஜீவிக்க வேண்டுமே' என்று அதற்காகவும் ஜெபிக்க வேண்டும்.
'கர்த்தர் எகிப்தியரில் செய்த அந்த மகத்தான கிரியையை இஸ்ரவேலர் கண்டார்கள்; அப்பொழுது ஜனங்கள் கர்த்தருக்குப் பயந்து, கர்த்தரிடத்திலும் அவருடைய ஊழியக்காரனாகிய மோசேயினிடத்திலும் விசுவாசம் வைத்தார்கள்' (யாத்திராகமம் 14:31). இந்த வசனத்தில், கர்த்தரின் ஜனங்கள் தேவன் செய்த மகத்தான கிரியைகளை கண்டு, கர்த்தருக்கு பயந்து அவரிடத்தில் விசுவாசம் வைத்தார்கள் என்றுப் பார்க்கிறோம். அதுப்போல 'இவ்விதமாக இயேசு இந்த முதலாம் அற்புதத்தைக் கலிலேயாவிலுள்ள கானா ஊரிலே செய்து, தம்முடைய மகிமையை வெளிப்படுத்தினார்; அவருடைய சீஷர்கள் அவரிடத்தில் விசுவாசம் வைத்தார்கள்' என்றுப் பார்க்கிறோம். ஆம், கர்த்தரால் தெரிந்து கொள்ளப்பட்டவர்களும், அவருடைய மகிமையை கண்டவர்களுமாகிய சீஷர்கள் அவரிடத்தில் விசுவாசம் வைத்தார்கள். கர்த்தருடைய ஜனங்களிடத்தில் அற்புதங்கள் நடக்கும்போது, அவர்கள் இன்னும் அதிகமாய் கர்த்தரைப் பற்றிக் கொண்டு, அவருக்கு நன்றி செலுத்தி வாழ்வார்கள்.
.
பிரியமானவர்களே, உங்களுடைய வாழ்வில் கர்த்தரின் அற்புதத்தை எதிர்ப்பார்த்து காத்திருக்கிறீர்களா? நம் தேவன் அற்புதர், பெரிய அற்புதங்களை செய்கிறவர். நம் ஒவ்வொருவரின் வாழ்விலும் அற்புதங்களை செய்ய வல்லவர். நம் தேவைகளை அதிசயமாய் சந்திக்க வல்லவர். அப்படிப்பட்ட தேவன் அதிசயமாய், அற்புதமாய் நம் தேவைகளை சந்திக்கும்போது, அவர் செய்த அற்புதத்தை மறவாமல், அவருக்கு நன்றியாக ஜீவிப்போமாக! மற்றவர்களுக்கும் சாட்சியாக அறிவிப்போமாக! அதன் மூலம் அநேகர் கர்த்தரிடத்தில் விசுவாசம் வைத்து இரட்சிப்பிற்குள் வர காரணமாயிருப்போம். அற்புதத்தின் தேவன் இந்த நாளில் தானே நமக்கு அற்புதத்தை செய்து நம் தேவைகளை சந்திப்பாராக! ஆமென் அல்லேலூயா!(Anudhina Manna, A Free Daily Devotional)

உண்மையான வேலை

எதைச் செய்தாலும் அதை மனுஷர்களுக்கென்று செய்யாமல் கர்த்தருக்கென்றே மனப்பூர்வமாய்ச் செய்யுங்கள். - (கொலோசேயர் 3:24).

.
குறிப்பிட்ட கம்பெனி ஒன்றில் வேலை பார்க்கும் தொழிலாளர்களுக்கு மிக குறைவான சம்பளமே வழங்கப்பட்டு வந்தது. அதிக சம்பளம் வழங்கினாலும் அதற்கேற்ப நேர்மையாக யாரும் உழைப்பதில்லை எனபது அந்த கம்பெனி முதலாளியின் நியாயம். ஒரு முறை அங்கு சாதாரண சம்பளத்திற்கு வேலைக்கு சேர்ந்த ஒருவன், குறைவான சம்பளத்தை குறித்து கவலைப்படாமல் தன்னுடைய முழு பலத்தையும், உழைப்பையும் பயன்படுத்தி, கடுமையாக வேலை செய்தான். அவனுடைய கடுமையான வேலையை கண்டு பிற தொழிலாளர்கள், 'வீணாக நீ இப்படி கடினமாக உழைக்காதே. நீ எப்படி உழைத்தாலும் இந்த கம்பெனி முதலாளி அதை பார்த்து நல்ல சம்பளம் தர மாட்டார்' எனக் கூறினர்.

.

அதற்கு அந்த மனிதன், 'நான் இந்த முதலாளியிடம் நல்ல சம்பளத்தை எதிர்பார்த்து நேர்மையாக உழைக்கவில்லை. இந்த முதலாளி எனக்கு சம்பளம் குறைவாக தந்தாலும் என்னுடைய பெரிய முதலாளியாகிய தேவன் நியாயமான சம்பளம் தருவார் என்பதே என நம்பிக்கை. அவருக்காகவே நான் உண்மையாய் உழைக்கிறேன்' என்றான்.

.

ஆம், இவ்வுலகிலே நம் முதலாளிகள் எப்படிப்பட்டவர்களாக இருந்தாலும், அதாவது விசுவாசியானாலும், அவிசுவாசியானாலும் அவர்களுக்கு கீழ்ப்படிந்து உண்மையாய் உழைக்க வேண்டும். உதாரணமாக வேதத்திலே தானியேல், யோசேப்பு போன்ற வாலிபர்கள் புறஜாதியான ராஜாக்களிடத்தில் பணி புரிந்தாலும் தங்கள் பணியில் உண்மையோடும் உத்தமத்தோடும் இருந்தனர். அதோடு தேவனை பிரியப்படுத்தும் காரியங்களில் மிக ஜாக்கிரதையாக இருந்ததால் தேவன் அவர்களை மிக உயர்ந்த பதவியில் அமர்த்தினார். நீங்கள் பணி புரியும் வேலை ஸ்தலத்திலே உங்களுக்கு கொடுக்கப்பட்ட வேலை மிக சிறியதாக இருக்கலாம். பிறரால் அற்பமாக எண்ணப்படுகிற வேலையாயிருக்கலாம். ஆனாலும் அதை முழு ஈடுபாட்டொடும், உண்மையோடும் செய்யுங்கள். அதை உயர் அதிகாரிகள் கண்டு கொள்ளாமல் போனாலும், மதிக்காமல் போனாலும் தேவன் உங்களை நிச்சயமாய் கனம் பண்ணுவார்.

.

உங்கள் அலுவலகத்திலோ, நீங்க வேலை செய்யும் இடத்திலோ உங்களது நடவடிக்கைகளை கண்காணிக்க யாரும் இல்லாதிருக்கலாம், இருப்பினும் உங்கள் பணியினை மிக உண்மையோடும், உத்தமத்தோடும் செய்யுங்கள். ஏனென்றால் உங்கள் செயலை மட்டுமல்ல, இருதயத்தையும் காணும் உயர்ந்த அதிகாரி இயேசு உண்டு. அவர் சிறு வேலையில் உங்கள் உண்மையை கண்டு, உங்களை அநேகத்;தின் மேல் அதிபதி ஆக்குவார்.

.

பிரியமானவர்களே, இதுவரை நீங்கள் உண்மையும் உத்தமுமாய் உங்கள் கடமைகளை செய்த போதிலும் இதுவரை எந்த நன்மையும் அடையாமல் இருக்கலாம். ஆயினும் சோர்ந்து போகாதிருங்கள். நமது நோகக்மெல்லாம் மனிதர்களிடமிருந்து நன்மைகளை பெறுவதில் மட்டுமே இருக்க கூடாது. நன்மைகளை தேவனிடமிருந்தே எதிர்பாருங்கள். தேவன் பலன் தருவார். ஆகவே நீங்கள் செய்யும் எந்த வேலையையும் மனிதருக்கென்று செய்யாமல், கர்த்தருக்கென்றே மனப்பூர்வமாய் செய்யுங்கள். அது வீட்டு வேலையோ, பள்ளி வேலையோ, அரசு வேலையோ எதுவாயிருந்தாலும் வேலையின் தரத்தையல்ல, உண்மையையே தேவன் பார்க்கிறார். அந்த உண்மையை இறுதிவரை காத்து ஆசீர்வாதத்தை பெற்று கொள்வோமாக! ஆமென் அல்லேலூயா!
(Anudhina Manna, A Free Daily Devotional)

நீயோ கடன் வாங்காதிருப்பாய்

ஏற்றகாலத்தில் உன் தேசத்திலே மழை பெய்யவும், நீ கையிட்டுச்செய்யும் வேலைகளையெல்லாம் ஆசீர்வதிக்கவும், கர்த்தர் உனக்குத் தமது நல்ல பொக்கிஷசாலையாகிய வானத்தைத் திறப்பார்; நீ அநேகம் ஜாதிகளுக்குக் கடன் கொடுப்பாய், நீயோ கடன் வாங்காதிருப்பாய்.(உபாகமம் 28:12).

.
நீ உன் தேவனாகிய கர்த்தரின் சத்தத்துக்குச் செவிகொடுக்கும்போது, இப்பொழுது சொல்லப்படும் ஆசீர்வாதங்களெல்லாம் உன்மேல் வந்து உனக்குப் பலிக்கும் (உபாகமம் - 28:2) என்று வேதம் திட்டவட்டமாக கூறுகிறது. கர்த்தருடைய சத்தத்திற்கு செவிகொடுத்தால் நீ அநேகம் ஜாதிகளுக்குக் கடன்கொடுப்பாய், நீயோ கடன் வாங்காதிருப்பாய். நீ கர்த்தருடைய சத்தத்திற்கு செவிகொடுக்காமல் போனால், நீ அநேகம் ஜாதிகளிடம் கடன் வாங்குவாய், அதை கொடுக்க உன்னால் முடியாமல் போகும். அந்த கிறிஸ்தவ தகபபனுக்கு கர்த்தர் எத்தனையோ முறை எச்சரித்திருப்பார், ஆனால் அவரோ செவிடன் காதில் ஊதிய சங்கு போல அதை கேட்காமல், தன் சுயநலத்திற்காக, சுய இன்பத்திற்காக சிகரெட்டுகளை வாங்கி ஊதி தள்ளினார். உன் நடுவிலிருக்கிற அந்நியன் உனக்கு மேற்பட்டு மேன்மேலும் உயர்ந்திருப்பான்ளூ நீ மிகவும் தாழ்த்தப்பட்டுப்போவாய். அவன் உன்னிடத்தில் கடன்படான், நீ அவனிடத்தில் கடன்படுவாய்ளூ அவன் தலைவனாயிருப்பான்ளூ நீ வாலாயிருப்பாய் (உபாகமம் - 28:43,44) என்ற கர்த்தரின் சாபம் அவருடைய வாழ்க்கையில் பலித்தது.

.

அன்பு சகோதரனே, சகோதரியே, உன் சுய இன்பத்திற்காக, உன் இச்சைகள் நிறைவேற வேண்டுமென்பதற்காக, கடன் மேல் கடன் வாங்கி கொண்டிருக்கிறீர்களோ? உன் குடும்பத்தை கண்ணீரில் மிதக்க விட்டு கொண்டிருக்கிறிக்கிறீர்களோ? இன்று கர்த்தர் உனக்கு கொடுக்கும் எச்சரிப்பின் சத்தத்தை கேட்பாயாக! உன் பொல்லாத வழிகளை விட்டு திரும்பி விடு. கர்;த்தரிடம் தஞ்சம் புகுந்து விடு, அப்போது அவர் நீ கையிட்டு செய்யும் காரியங்களை எல்லாம் ஆசீர்வதிப்பார்…

.

ஒரு சிலர், தங்கள் பெற்றோரை சந்தோஷபடுத்த வேண்டி, தங்களுடைய திராணிக்கு மேலாக அவர்களுக்கு கொடுத்து, பழக்கபடுத்துவார்கள். பெற்றோருக்கு கொடுப்பதை நான் ஒரு நாளும் தடுக்க மாட்டேன். வயதான பெற்றோரை தாங்குவது நமது கடமை. அதை செய்யாவிட்டால் கர்த்தரின் சாபம் நம்மேல் வரும். ஆனால் மகனோ, மகளோ வெளிநாட்டில் சம்பாதிக்கிறார்கள் என்று இங்கு சுகபோகமாய், தங்கள் சுய இச்சைகைளுக்காய், பிள்ளைகள் கஷ்டப்பட்டு சம்பாதித்து தங்களுக்கு அனுப்பும்; பணத்தை வீணாய் விரயம் செய்யும் பெற்றோர்கள் சிலர் இருக்கிறார்கள். அவர்களுடைய ஆசை இச்சையை தீர்ப்பதற்காக, இந்த மகள், அல்லது மகன் பணத்தை அனுப்புவார்கள். சிலவேளை முடியாதபோது மற்றவர்களிடம் கடன் வாங்கி அவர்களுக்கு அனுப்புவது எந்த வகையில் நியாயம்? ஞானமாய் சில காரியங்களை செய்ய வேண்டும். ஒருவரிடத்திலொருவர் அன்புகூருகிற கடனேயல்லாமல், மற்றென்றிலும் ஒருவனுக்கும் கடன்படாதிருங்கள் (ரோமர் 13:8) என்று வேதம் நம்மை எச்சரிக்கின்றது. கடனை வாங்கி பழக்கப்படாதிருங்கள். ஒருமுறை வாங்கினால் திரும்ப திரும்ப வாங்க தோன்றும். அதனுடைய முடிவோ விபரீதம்! அது ஒரு பொல்லாத வியாதி! ஆந்த வியாதியில் சிக்கி விடாதீர்கள்!

.

கர்த்தருக்கு கொடுங்கள். உங்கள் இயலாமையிலிருந்து கர்த்தருக்கு கொடுத்து பாருங்கள்! கர்த்தர் வானத்தின் பலகணிகளை திறந்து உங்களை ஆசீர்வதிப்பதை காண்பீர்கள். கர்த்தருக்கு கொடுக்கிறவர்கள் யாரும் மற்றவர் முன் தலைகுனிந்து நிற்க மாட்டார்கள். உங்களை கடனே இல்லாமல் கர்த்தர் அதிசயமாய் வழிநடத்துவார். உங்கள் தேவைகளை அதிசயமாய் சந்திப்பார். நீ அநேகம் ஜாதிகளுக்குக் கடன்கொடுப்பாய், நீயோ கடன் வாங்காதிருப்பாய். ஆமென்! அல்லேலூயா! (Anudhina Manna, A Free Daily Devotional)

கிறிஸ்தவ உலகத்தின் ஞானம்

ஆகிலும் யூதரானாலும் கிரேக்கரானாலும் எவர்கள் அழைக்கப்பட்டிருக்கிறார்களோ, அவர்களுக்குக் கிறிஸ்து தேவபெலனும் தேவஞானமுமாயிருக்கிறார். அந்தப்படி, தேவனுடைய பைத்தியம் என்னப்படுவது மனுஷருடைய ஞானத்திலும் அதிக ஞானமாயிருக்கிறது; தேவனுடைய பலவீனம் என்னப்படுவது மனுஷருடைய பலத்திலும் அதிக பலமாயிருக்கிறது. - (1கொரிந்தியர் 1:24-25).

.
இன்று கிறிஸ்தவ நாடுகள் என்று சொல்லிக் கொள்கிற மேலை நாடுகளின் நிலைமை மிகவும் மோசமானது. தேவனை தேடாதபடி, தங்கள் வாழ்க்கையில் கிறிஸ்து என்றால் யார் என்று கேட்கிறவர்களாக பெயர் கிறிஸ்தவர்களாக வாழ்ந்து கொண்டிருக்கும் நிலைமை. தேவன் அருவருக்கிற அத்தனை அக்கிரமங்களையும் அளவுக்கு மீறி செய்து கொண்டிருக்கிற நாடுகள்! தேவ காரியங்களை குறித்து எச்சரித்து கொண்டிருக்கிற தேவ ஊழியர்கள் ஒரு புறமிருக்க, பாவத்தை தண்ணீரை போல குடித்து கொண்டிருக்கிற மக்கள். தேவ கோபம் இறங்குவதற்கு முன், அந்த மக்கள் மனம் திரும்ப மாட்டார்களா என்று ஏக்கத்தோடு பார்த்து கொண்டிருக்கிற தேவன், 'என் நாமம் தரிக்கப்பட்ட என் ஜனங்கள் தங்களைத் தாழ்த்தி, ஜெபம்பண்ணி, என் முகத்தைத் தேடி, தங்கள் பொல்லாத வழிகளைவிட்டுத் திரும்பினால், அப்பொழுது பரலோகத்திலிருக்கிற நான் கேட்டு, அவர்கள் பாவத்தை மன்னித்து, அவர்கள் தேசத்துக்கு ஷேமத்தைக்கொடுப்பேன்' - (2நாளாகமம் -7:14) என்று தேவன் வாக்கு பண்ணியிருக்க, அவருடைய நாமத்தை தரித்திருக்கிற அவருடைய மக்களோ, தங்கள் தேசத்தின் ஷேமத்தை குறித்து கவலையற்றவர்களாக கர்த்தருடைய முகத்தை தேடாதபடி வாழ்ந்து கொண்டிருக்கிறார்கள். 'கர்த்தர் எல்லா இருதயங்களையும் ஆராய்ந்து, நினைவுகளின் தோற்றங்களையெல்லாம் அறிகிறார்; நீ அவரைத் தேடினால் உனக்குத் தென்படுவார்; நீ அவரை விட்டுவிட்டால் அவர் உன்னை என்றைக்கும் கைவிடுவார்' (1நாளாகமம் 28:9ம் வசனத்தின் பின்பாகம்) என்று உறுதியாக எச்சரித்திருக்க, அவர்கள் தேவனை விட்டுவிட்டபடியினால், அவரும் அவர்களை கைவிடும் நிலைமையை அவர்களே ஏற்படுத்தியிருக்கிறார்கள்.

.

இந்த தேசங்களில் வாழும் உண்மையான கிறிஸ்தவ ஜனம் கர்த்தரை நோக்கி திறப்பின் வாசலில் நின்று கர்த்தரிடத்தில் அந்த நாடுகளுக்காக நின்று கதற வேண்டும். தேவன் உங்களை அந்த தேசத்திற்கு கொண்டு சென்ற நோக்கம் ஒருவேளை அதுவாக இருக்கலாமே!

.

தேவனை பற்றி கொள்ளாதவரை தேசத்தில் சமாதானம் ஒருநாளும் வராது. பிரச்சனைகளுக்கு தீர்வு ஒருநாளும் ஏற்படாது. ஆயிரம் முறை நாடுகளை சேர்த்து வைத்து, திட்டங்களை தீட்டினாலும,; சமாதான பேச்சு வார்த்தைகளை பேசினாலும் சமாதானம் ஒரு நாளும் ஏற்படாது. தங்களை தாழ்த்தி, ஜெபம் பண்ணி, தங்கள் பொல்லாத வழிகளைவிட்டு திரும்பினால், தேவன் அவர்களுடைய ஜெபத்தை கேட்டு, அவர்கள் தேசத்திற்கு ஷேமத்தை கொடுப்பார். இல்லாவிட்டால் எதிர்மறை காரியங்களே ஏற்படும். இந்த கடைசி நாட்களில் கர்த்தரை பற்றி கொள்வோம். அவரே நமது பிரச்சனைகளுக்கு பதில். அவரே சமாதான காரணர், அவரே நம் தேசத்திற்கு ஷேமத்தை கொடுப்பவர். ஆமென் அல்லேலூயா!
(Anudhina Manna, A Free Daily Devotional)

நீங்கள் பரலோகம் செல்ல வேண்டுமா?

கிருஸ்துவர்கள் என்றாலே இறக்கம் உள்ளவர்கள் அன்புள்ளவர்கள் என்பதுமாறி இப்பொழுது சுயநலவாதிகளாக மாறிவிட்டனர் . இப்பொழுது கிருஸ்துவர்களிடம் இரக்கத்தை அன்பை எதிர்பார்ப்பது முடவன் கொம்புத்தேனுக்கு ஆசைபடுவதுப்போல் இருக்கிறது . ஆம் பிரியமானவர்களே நாம் ஆதி நாட்களில் அதாவது கஷ்டப்பட்ட நாட்களில் ஆண்டவரிடம் கர்த்தாவே என்னால்முடிந்த அளவிற்க்கு கஷ்டப்படுபவர்களுக்கு நான் உதவிசெய்வேன் என்று சொன்ன பொருத்தனைகள் என்ன ஆயிற்று என்று தெரியவில்லை . இன்று கர்த்தர் நம்மை சம்பூரணமாக வைத்திருக்கிறார் . ஆனால் நாம் எத்தனை பேருக்கு உங்களால் முடிந்த உதவியை செய்துகொண்டு இருக்கிறோம் . இதை நான் சொல்லும்பொழுது இவன் யார் இதையெல்லாம் சொல்லுவதற்கு என்று நீங்கள் நினைக்கலாம் .எண்ணாகமம் 22:28 உடனே கர்த்தர் கழுதையின் வாயைத் திறந்தார்; கர்த்தர் கழுதையை கொண்டு பேசினார் இதை சொல்லுவதற்கு ஊழியர்கள் வரவேண்டிய அவசியம் இல்லை இந்த கழுதை போதும் இப்பொழுது கர்த்தருடைய கோபம் கர்த்தருடைய பிள்ளைகள் மேல் இருக்கிறது இதை உணர்ந்து மனம் திரும்பினால் நீங்கள் கோபத்திற்கு தப்பித்து கொள்ளுவீர்கள் உங்களுடைய தசமபாகம் உங்களுடைய உபவாசம் பரிசுத்தவான்களுடைய ஐக்கியம் பரலோகம் கொண்டு சேர்க்கும் என்று நினைத்து கொண்டிருக்கிறதான அருமையான சகோதர சகோதரிகளே நிச்சயமாய் இவைஏதுமே உங்களை பரலோகம் கொண்டு சேர்ப்பதில்லை . நீங்கள் இதுவரை கர்த்தருக்காக என்ன செய்திருக்கிறீர்கள் மத்தேயு 25:45 அப்பொழுது அவர் அவர்களுக்குப் பிரதியுத்தரமாக: மிகவும் சிறியவர்களாகிய இவர்களில் ஒருவனுக்கு நீங்கள் எதைச் செய்யாதிருந்தீர்களோ, அதை எனக்கே செய்யாதிருந்தீர்கள் என்று மெய்யாகவே உங்களுக்குச் சொல்லுகிறேன் என்பார்.ஆம் நிச்சயமாக சிறியவர்களுக்கு நீங்கள் எதை செய்தீர்களோ அதை கர்த்தருக்கே செய்தீர்கள் . நீங்கள் இதுவரை எத்தனை சிறியவர்களுக்கு உதவி செய்திருக்கிறீர்கள் . லூக்கா16:19ஐசுவரியமுள்ள ஒரு மனுஷன் இருந்தான்; அவன் இரத்தாம்பரமும் விலையேறப்பெற்ற வஸ்திரமும் தரித்து, அநுதினமும் சம்பிரமமாய் வாழ்ந்துகொண்டிருந்தான்.இவன் வேறு எந்த தவறும் செய்ததாக வேதத்தின் அடிப்படை காரணமும் குறிப்பிடவில்லை இவன் சம்பிரமமாய் வாழ்ந்தான் இதற்காக மட்டுமே கர்த்தர் இவனை நரகத்திற்கு தள்ளுவதற்கு அவர் அநீதிஉள்ளதேவன் அல்ல அவன் தன்னுடைய பணத்தை தாம் மட்டுமே அனுபவித்து லாசரு போன்ற கஷ்டப்பட்ட சிறியவர்களுக்கு உதவி செய்யாமல் இருந்திருப்பான் ஆகவே தான் கர்த்தர் இவனை நரகத்திற்கு தள்ளிவிட்டார் . ஆம் பிரியமானவர்களே நீங்களும் இந்த ஐசுவரியமுள்ள மனுசனை போல நரகத்திற்கு செல்ல விருபுகிரீர்களா . அல்லது சிறியவர்களுக்கு உதவி செய்து பரலோகம் செல்ல போகிறீர்களா . நான் மலேசியாவில் நான்கு மாதங்கள் வேலை இல்லாமல் கஷ்டப்பட்டு கொண்டிருந்தேன் அப்பொழுது எத்தனையோ கிருஸ்துவர்களிடம் வேலை பார்த்து தரும்படியாக கேட்டுகொண்டேன் அவர்கள் என்னிடம் வேலை இல்லாமல் இருக்கிறியே சப்டாயா என்று ஒருவரும் என்னிடம் விசாரித்தது கிடையாது . சபை ஆராதனைக்கு சென்றால் என்ன என்று கூட ஒருவரும் விசாரித்தது இல்லை . ஆம் பிரியமானவர்களே நாம் கிறிஸ்துவுக்குள் ஒரே குடும்பம் என்று சொல்வது எல்லாம் வாய்வார்த்தை மட்டுமே கிரியைஇல்லை . இதை குறிப்பிடுவது எனக்கு மனம் வேதனையில் தான் குறிபிடுகிறேன் . சங்கீதம் 2:12 குமாரன் கோபங்கொள்ளாமலும், நீங்கள் வழியிலே அழியாமலும் இருக்கும்படிக்கு, அவரை முத்தஞ்செய்யுங்கள்; கொஞ்சக்காலத்திலே அவருடைய கோபம் பற்றியெரியும்; அவரை அண்டிக்கொள்ளுகிற யாவரும் பாக்கியவான்கள்.
கர்த்தர் தாமே உதவி செய்வாராக .நல்ல கிருஸ்துவனாக வாழ்வோம் .

சுகமான நித்திரை

.

சமாதானத்தோடே படுத்துக்கொண்டு நித்திரைசெய்வேன்; கர்த்தாவே, நீர் ஒருவரே என்னை சுகமாய்த் தங்கப்பண்ணுகிறீர்' - ( சங்கீதம்4:8).

.
நம்மில் அநேகருககு இரவில் நிம்மதியான தூக்கமில்லை. எப்பேதது விடியும் என்ற நிலையில் ஒரு மணி நேரம் கூட நிம்மதியாக தூங்க முடியவில்லையே என்ற புலம்பலோடு வாழ்கிறவர்கள் அநேகர். இரவில் படுத்தால் ஒருவித பயம், நடுக்கம், திகில், குழப்பமான மனநிலை இப்படிப்பட்ட குழப்பங்களினால் மனது அமைதி பெறாமல் கண்கள் மூட மறுக்கின்றன. அநேகர் சொல்வது போல படுக்கையை வாங்கலாம், ஆனால் தூக்கத்தை வாங்க முடியுமா?

.

சிலரது தூக்கமின்மைக்கு மருத்துவ ரீதியாக பல காரணங்கள் இருக்கலாம். ஆனால் பலருக்கு பகலின் நிகழ்வுகள் மற்றும் கடந்த கால பாவங்களால் ஏற்படும் அமைதியற்ற மனநிலை இரவின் தூக்கத்தை துரத்துகிறது. இவற்றை போக்கி இரவில் நிம்மதியான தூக்கத்தை பெற ஏழு வழிகளை காண்போம்.

.

1. என் தேவன் எல்லா சூழ்நிலைகளிலும் எனக்கு போதுமானவர். என்னுடைய முதிர் வயது வரை அவரே என்னை தாங்குவார் என்ற திடமான நம்பிக்கையோடு இருங்கள். இந்த நம்பிக்கை எப்பொழுது வரும்? வேத வசனத்தை தியானிக்கும்போது மட்டுமே! ஆகவே வேதத்தை ஆர்வமாய் வாசித்து தியானியுங்கள். 'நான் படுத்து நித்திரை செய்தேன்; விழித்துக்கொண்டேன்; கர்த்தர் என்னைத் தாங்குகிறார்' - (சங்கீதம் 3:5)

.

2. உங்களுடைய சுய பெலனையோ, அறிவையோ, செலவத்தையோ, சொத்துக்களையோ சார்ந்திருக்கும் மனநிலையை விட்டு வெளியே வாருங்கள். ஏனென்றால் அவைகள் நாளையே மாறலாம். திடீரென்று நம் கைவிட்டு செல்லலாம். தேவ கிருபையை மட்டும் சார்ந்திருங்கள. இந்த குறுகிய உலக வாழ்விலே எந்த நிலையிலும் மனரம்மியமாய் வாழ்வேன் என தீர்மானியுங்கள். 'அவர்களுக்குத் தானியமும் திராட்சரசமும் பெருகியிருக்கிறகாலத்தின் சந்தோஷத்தைப்பார்க்கிலும், அதிக சந்தோஷத்தை என் இருதயத்தில் தந்தீர். சமாதானத்தோடே படுத்துக்கொண்டு நித்திரைசெய்வேன்; கர்த்தாவே, நீர் ஒருவரே என்னை சுகமாய்த் தங்கப்பண்ணுகிறீர்' - (சங்கீதம் 4:7-8).

.

3. மறைக்கப்பட்ட தவறுகள் ரகசிய பாவங்கள், என் குற்றம் அம்பலம் ஆகிவிடுமோ என்ற பயம். தொழிலில் நான் செய்யும் தில்லுமுல்லுகள் வெளியரங்கமாகி விடுமோ என்ற பயம், மனைவிக்கோ கணவருக்கோ செய்யும் துரோகம், இவைகள் நமக்கு நிச்சயமாய் தூக்கத்தை வர விடாது. என்ன செய்வது? தேவனிடம் அறிக்கை செய்து, பாவத்தை விட்டு விடுங்கள். தொழிலில் வியாபாரத்தில் செய்யும் சிறு சிறு ஏமாற்றுகளையும் விட்டு விடுங்கள். நியாயமாய் வரும் கொஞ்ச வருமானத்தில் குறைவாய் சாப்பிட்டாலும் நிறைவாய் தூங்குவீர்கள்.

.

4. சிலர் மீது கொண்டுள்ள மாறாத வைராக்கியத்தையும், அடங்காத எரிச்சல்களையும் போக்குங்கள். எப்படி? தேவன் உங்களது கணக்கற்ற பாவங்களை மன்னித்திருக்கிறார் என்ற நிச்சயம் இருக்கும்போது உங்களை நீதிமானாக எண்ணுவீர்களானால் பிறர் உங்கள் கண்களில் கொடும் பாவிகளாகவே தெரிவார்கள். நான் பாவி என உணருங்கள். அப்போது உங்களுக்கு துரோகம் செய்தவர்களை மன்னிக்க முடியும்.

.

5. மனிதர்களின் அன்பையும் ஐக்கியத்தையும் மட்டுமே நாடி, அவைகள் கிடைக்காத பட்சத்தில் ஏமாற்றப்படும் சூழ்நிலையில் ஏற்படும் விரக்தியினால் தூங்க முடியாமல் இருக்கலாம். இதிலிருந்து வெளிவந்து தேவனுடைய அன்பையும் ஐக்கியத்தையும் அனுதினம் அனுபவியுங்கள். அப்போது மனிதருடைய அன்பிலே ஏற்ற தாழ்வுகளும் ஏமாற்றங்களும் ஏற்படும்போது அவை நம்மை அதிகமாய் பாதிக்காது. ஜெபித்து உங்கள் இருதயத்தின் சமாதானத்தை காத்து கொள்வீர்கள். 'நாசியிலே சுவாசமுள்ள மனுஷனை நம்புவதை விட்டுவிடுங்கள்; எண்ணப்படுவதற்கு அவன் எம்மாத்திரம்' - (ஏசாயா 2:22).

.

6. குடும்பத்திலே பகலின் வேலைகளை குடும்ப உறுப்பினர்களோடு பகிர்ந்து செய்யுங்கள். இது மருமகள் வேலைதானே, அல்லது மாமியார் வேலைதானே என்று போட்டி மனப்பான்மையோடு வாழாதீர்கள். எதை செய்தாலும் மனப்பூர்வமாய் செய்து குடும்பத்தின் மகிழ்ச்சியை தக்க வையுங்கள். பகலின் வேலை இரவில் உங்களுக்கு தூக்க மாத்திரையின்றி நல்ல நித்திரையைத்தரும் 'வேலைசெய்கிறவன் கொஞ்சமாய்ப் புசித்தாலும் அதிகமாய்ப் புசித்தாலும் அவன் நித்திரை இன்பமாயிருக்கும்' - (பிரசங்கி 5:12).

.

7. கடைசியாக, குடும்பத்தில் பிரச்சனை என்று ஒன்று இருந்தால், பிள்ளைகளின் மூலமாகவோ, மனைவி, கணவர் மூலமாகவோ பிரச்சனை என்று ஒன்று இருந்தால் கண்களுக்கு நித்திரை வருவது மிகவும் கடினம். திரும்ப திரும்ப நடந்த காரியங்களையே யோசித்து யோசித்து, இரவு முழுவதும் நித்திரை வராமல் தவித்து கொண்டிருப்பர். கணவன் மனைவிக்குள் பிரச்சனை என்றால் படுப்பதற்கு முன் பேசி பிரச்சனையை முடித்து கொள்ள வேண்டும்.

.

'நீங்கள் கோபங்கொண்டாலும் பாவஞ்செய்யாதிருங்கள்; சூரியன் அஸ்தமிக்கிறதற்கு முன்னாக உங்கள் எரிச்சல் தணியக்கடவது' - (எபேசியர் 4:26) என்று வேதம் நமக்கு போதிக்கிறது. மற்றும் பிள்ளைகள் மூலமாக பிரச்சனை என்றால், அவற்றை தேவனுடைய கரத்தில் வைத்து விட்டு, அவருடைய செய்கைக்காக காத்திருக்க வேண்டும். நாம் கவலைப்பட்டு ஒன்றும் ஆகப்போவதில்லை. கர்த்தரின் கரத்தில் எல்லாவற்றையும் அர்ப்பணித்து விட்டு, நீங்கள் நிம்மதியாக உறங்குங்கள். தேவன் நமக்காக யாவையும் செய்து முடிப்பார். ஆமென் அல்லேலூயா!
(Anudhina Manna, A Free Daily Devotional)

இலவசமான இரட்சிப்பு

எல்லாரும் பாவஞ்செய்து, தேவமகிமையற்றவர்களாகி, இலவசமாய் அவருடைய கிருபையினாலே கிறிஸ்து இயேசுவிலுள்ள மீட்பைக்கொண்டு நீதிமான்களாக்கப்படுகிறார்கள். - (ரோமர் 3:23,24).

.
எல்லாரும் பாவஞ்செய்து, தேவமகிமையற்றவர்களாகி, இலவசமாய் அவருடைய கிருபையினாலே கிறிஸ்து இயேசுவிலுள்ள மீட்பைக்கொண்டு நீதிமான்களாக்கப்படுகிறார்கள். (ரோமர் 3:23:24) என்ற வேத வசனம் கூறுகிறது. ஆனால் அதை விசுவாசித்து பற்றி கொள்ளுகிறவர்கள் மன்னிக்கபடுகிறார்கள்.இதனை விட்டுவிட்டு நான் பரிசுத்தவான் நீ பாவி என்று மற்றவர்களையும் நம்மையும் குறித்து பேசிகொண்டிருக்க இது காலம் அல்ல ஆகவே இது நம்மை நாமே ஆராய்ந்து பார்த்துக்கொள்ள காலம் . அதை விசுவாசியாமல் அந்த கூட்டத்தாரைப் போல அவிசுவாசமாய் வாக்குவாதம்பண்ணிக் கொண்டிருப்பவர்கள், இலவசமாய் கிடைக்கும் இரட்சிப்பை இழந்துபோகிறார்கள். இலவச கலர் டிவி தருகிறர்கள் என்றால் அந்த இடத்தில் கூட்டம் அலைமோதும். ஒருரையொருவர் நெருக்கியடித்து, இடியும், மிதியும் பட்டு, எப்படியாவது அந்த டிவி கிடைக்க வேண்டும் என்று எந்த வேதனைகளையும் பொருட்படுத்தாத அதே மக்கள், விலையேறபெற்ற இரட்சிப்பை இலவசமாய் பெற்று கொள்ளுங்கள் என்றால் அதற்கு தயாராக இல்லை. ஏனென்றால், தங்கள் சரீரம் கிழிக்கப்பட்டு, அதில் கூர்மையான ஆயுதங்களால் கடாவபட்டு, இரத்தம் வழிய பாடுகளை சகித்தால் தான் தங்களுக்கு இரட்சிப்பு கிடைக்கும் என்கிற எண்ணம் அவர்கள் இருதயத்தில் ஆழமாக வேரூன்றி இருக்கிறது. அவையெல்லாம் தேவையில்லாமல், ‘கிருபையினாலே விசுவாசத்தைக்கொண்டு இரட்சிக்கப்பட்டீர்கள்; இது உங்களால் உண்டானதல்ல, இது தேவனுடைய ஈவு; ஒருவரும் பெருமைபாராட்டாதபடிக்கு இது கிரியைகளினால் உண்டானதல்ல' என்று எபேசியர் 2:8-9 -ல் வேதம் தெளிவாக நமக்கு சொல்கிறது. "நான் இந்த அளவு என் சரீரத்தை காயப்படுத்தி என் இரட்சிப்பை சம்பாதித்தேன்’ என்று யாரும் பெருமை பாராட்டாதபடிக்கு இரட்சிப்பு யாருடைய கிரியைகளினாலும் உண்டானதல்ல. அது தேவனுடைய மிகப்பெரிய ஈவு. நம்முடைய எந்த கிரியைகளினாலும் அதை சம்பாதிக்க முடியாது. கர்த்தராகிய இயேசுகிறிஸ்துவை விசுவாசிக்கிறதினாலேயே அந்த விலையேறப்பெற்ற இரட்சிப்பு பாவிகளாகிய நமக்கு கிடைக்கிறது. இலவசமாய் கிடைக்கிற அந்த இரட்சிப்பை இன்றே விசுவாசத்தோடு பெற்று கொள்வோமாக. இதோ, இப்பொழுதே அநுக்கிரககாலம், இப்பொழுதே இரட்சணியநாள் (2 கொரிந்தியர் 6:2) கிருபையின் காலத்தில் அநுக்கிரக காலத்தில் இருக்கும்போதே நாம் அந்த இரட்சிப்பை பெற்றுக் கொள்ள கர்த்தர் கிருபை செய்வாராக!
(Anudhina Manna, A Free Daily Devotional)

பண ஆசை

பின்பு அவர் அவர்களை நோக்கி: பொருளாசையைக்குறித்து எச்சரிக்கையாயிருங்கள்; ஏனெனில் ஒருவனுக்கு எவ்வளவு திரளான ஆஸ்தி இருந்தாலும் அது அவனுக்கு ஜீவன் அல்ல என்றார். - (லூக்கா 12:15).

.
இன்று அனேக விசுவாசிகளும் ஊழியர்களும் பணத்திற்கு அடிமை பட்டு இருப்பதை நாம் காணமுடிகிறது கஷ்டப்பட விசுவாசிகளை இவர்கள் பார்த்தாலும் கூட ஒரு ஸ்தோதிரம் கூட சொல்லுவதில்லை இவர்கள் வீட்டில் ஒரு வீட்டுகூட்டம் வைதால் கூட 5 பேர் 6 பேர் மட்டுமே இருப்பார் அதுவும் கஷ்டப்பட 2 விசுவாசிகளும் 3 ஊழியர்களும்தான் இருப்பார்கள் இதுதான் இன்று நம்முடைய சபையின் நிலவரமாய் இருக்கிறது இதனை உணர்ந்து நாம் செயல்படுவோமாக .

.
இன்று அநேகருடைய வாழ்வின் நோக்கமே பணம் சம்பாதிக்க வேண்டும், சொத்துக்களை சேர்க்க வேண்டும் என்பதே. ‘பொருளாசையைக் குறித்து எச்சரிக்கையாயிருங்கள்; ஏனெனில் ஒருவனுக்கு எவ்வளவு திரளான ஆஸ்தி இருந்தாலும் அது அவனுக்கு ஜீவன் அல்ல’ என்று இயேசுகிறிஸ்து கூறினார். எந்த மனிதருக்கும் அவர்கள் மனதை ஐசுவரியத்தின் மேல் வைத்து இருந்தால் அது அவர்களுக்கு ஒருபோதும் ஜீவன் அல்ல. அநேகர் அவர்கள் தலைமுறைக்கு சொத்துக்கள் இருந்தாலும் அவர்கள் உடல்நிலை பாதிக்கப்பட்டிருந்தால் அவர்களுடைய சொத்துக்களினால் பயன் என்ன? அல்லது அவர்களது வாழ்க்கையில் சமாதானம் இல்லாதிருந்தால் அவர்களுடைய சொத்துக்களினால் பயன் என்ன?



' ஐசுவரியமுள்ள ஒருவனுடைய நிலம் நன்றாய் விளைந்தது. அப்பொழுது அவன்: நான் என்ன செய்வேன்? என் தானியங்களைச் சேர்த்து வைக்கிறதற்கு இடமில்லையே; நான் ஒன்று செய்வேன், என் களஞ்சியங்களை இடித்து, பெரிதாகக் கட்டி, எனக்கு விளைந்த தானியத்தையும் என் பொருள்களையும் அங்கே சேர்த்துவைத்து, பின்பு: ஆத்துமாவே, உனக்காக அநேக வருஷங்களுக்கு அநேகம் பொருள்கள் சேர்த்துவைக்கப்பட்டிருக்கிறது; நீ இளைப்பாறி, புசித்துக் குடித்து, பூரிப்பாயிரு என்று என் ஆத்துமாவோடே சொல்லுவேன் என்று தனக்குள்ளே சிந்தித்துச் சொல்லிக்கொண்டான். தேவனோ அவனை நோக்கி: மதிகேடனே, உன் ஆத்துமா உன்னிடத்திலிருந்து இந்த இராத்திரியிலே எடுத்துக் கொள்ளப்படும், அப்பொழுது நீ சேகரித்தவைகள் யாருடையதாகும் என்றார். தேவனிடத்தில் ஐசுவரியவானாயிராமல், தனக்காகவே பொக்கிஷங்களைச் சேர்த்துவைக்கிறவன் இப்படியே இருக்கிறான்’ என்று இயேசுகிறிஸ்து கூறுவதாக லூக்கா 12: 16-21 வரையுள்ள வசனங்களில் காண்கிறோம்.



பணமோ எல்லாவற்றிற்கும் உதவும் என்று வேதத்தில் காண்கிறோம். பணம் இல்லாவிட்டால் இந்த உலகத்தில் வாழ்வது அரிது. பணம் இருந்தால்தான் உறவும் நட்பும். பணம் இல்லாவிட்டால் கணவன் மனைவி அன்புக்கூட தூரம்தான். பணமே தேவையில்லை என்று வேதம் கூறவில்லை. ஆனால் பண ஆசை கூடாதென்றுதான் வேதம் கூறுகிறது. பண ஆசை எல்லாத் தீமைக்கும் வேராயிருக்கிறது; சிலர் அதை இச்சித்து, விசுவாசத்தைவிட்டு வழுவி, அநேக வேதனைகளாலே தங்களை உருவக் குத்திக்கொண்டிருக்கிறார்கள் என்று வேதம் நம்மை எச்சரிக்கின்றது. எங்கள் குடும்ப நண்பர் ஒருவர் இரட்சிக்கப்பட்டு, குடும்பமாக கர்த்தருக்கு ஊழியம் செய்து வந்தார். கர்த்தர் அவரை உயர்ந்த நிலையில் வைத்திருந்தார். அநேக வல்லமையான ஊழியர்கள் அவருடைய வீட்டில் தங்கியிருந்து தங்கள் ஊழியத்தை நிறைவேற்றினர். அப்படிப்பட்ட நல்ல மனிதரை பொருளாசை என்னும் கொடிய பாவம் பிடித்தது. எப்படியாவது பணத்தை சம்பாதிக்க வேண்டும் என்கிற வெறி அவருக்குள் வந்தது. அதற்காக எதையும் செய்ய துணிந்த அவர், தான் வேலை செய்யும் இடத்தில் பணத்தை எடுக்க ஆரம்பித்தார். பின்னர் கண்டுபிடிக்கபட்டு, தான் இருந்த இடத்திலிருந்து, வெளியேற நேர்ந்தது. கர்த்தர் அவரை வைத்த உன்னத நிலையிலிருந்து மிகவும் கீழே தள்ளப்பட்டார். நல்ல வேலை, நல்ல நண்பர்கள், ஊழியங்கள் எல்லாவற்றையும் இழந்தார். இன்றும் அந்த சகோதரனை நினைத்து, மிகவும் வருத்தப்படுகிறோம். கர்த்தர்தாமே அவரை திரும்பவும் தம்முடைய ஊழியத்தில் நிலைநிறுத்துவாராக.



அந்த கொடிய பண ஆசையும் பொருளாசையும் நமக்கு சிறிதளவும் வேண்டாம். ஏனெனில் ஒருவனுக்கு எவ்வளவு திரளான ஆஸ்தி இருந்தாலும் அது அவனுக்கு ஜீவன் அல்ல. எத்தனை உண்மையான சத்தியம் இது! போதுமென்கிற மனதுடனே கூடிய தேவபக்தியே மிகுந்த ஆதாயம். உலகத்திலே நாம் ஒன்றும் கொண்டு வந்ததுமில்லை, இதிலிருந்து நாம் ஒன்றும் கொண்டுபோவதுமில்லை என்பது நிச்சயம் என்று 1 தீமோத்தேயு 6:6-7 வரை வேதம் கூறுகிற அறிவுரையை மனதில் கொண்டு அதன்படி வாழ்வோம்! கர்த்தர் நம்மை ஆசீர்வதிப்பார்! ஆமென் அல்லேலூயா!
(Anudhina Manna, A Free Daily Devotional)

சிலுவையின் உபதேசம்

.

சிலுவையைப் பற்றிய உபதேசம் கெட்டுப்போகிறவர்களுக்குப் பைத்தியமாயிருக்கிறது, இரட்சிக்கப்படுகிற நமக்கோ அது தேவபெலனாயிருக்கிறது. - (1 கொரிந்தியர் 1:18).

.
அன்பார்ந்தவர்களே, இயேசுகிறிஸ்துவிடம் வரும்போது, நாம் இலவசமாக இரட்சிக்கப்படுவது மட்டுமன்றி, நம்முடைய ஆவி ஆத்துமா சரீரத்தில் முழுவதிலும் முழு சுகத்தையும் அடைகிறோம்.


சிலுவையைப் பற்றிய உபதேசம் கெட்டுப்போகிறவர்களுக்குப் பைத்தியமாயிருக்கிறது, இரட்சிக்கப்படுகிற நமக்கோ அது தேவபெலனாயிருக்கிறது. இந்நாட்களில் கிறிஸ்துவை குறித்து, உபதேசங்களை கேட்கும்போது, அநேகருக்கு அது பைத்தியமாக தோன்றுகிறது. இந்த கிறிஸ்தவர்களுக்கு வேறுவேலையில்லை என்று கூறுகிறவர்களும் உண்டு. ஆனால் அந்த இரட்சிப்பை பெற்றுக்கொள்கிறவர்களுக்கோ, அது தேவபெலனாய், நமது நம்பிக்கையாய், நமது எதிர்காலமாய், நமது ஜீவியத்தையே மாற்றுகிறதாக இருக்கிறது.



கிறிஸ்துவினுடைய உபதேசம், ஒரு வேளை சிறந்த சொற்பொழிவாற்றுபவர்களால் கூறப்படாமல் இருக்கலாம், ஆனால், அது பாவ மனிதனை பாவத்திலிருந்து வெளிவர செய்கிறது. ஒருவேளை அது பெரிய தொழில் சம்பந்தபட்டதாக இல்லாமல் இருக்கலாம், ஆனால் அநேக தொழிலதிபர்களும், கோடீஸ்வரர்களும் தங்கள் வாழ்வை கிறிஸ்துவுக்கு ஒப்புகொடுக்க காரணமாய் இருக்கிறது. அந்த உபதேசம், மருந்து கொடுக்கிற சீட்டாக இல்லாமல் இருந்தாலும், ஆனால் எத்தனையோ கோடிக்கணக்கானவர்கள், அந்த உபதேசத்தினால் ஆத்மீக சரீர சுகமடைந்திருக்கிறார்கள். ஏன் அந்த உபதேசத்திற்கு அத்தனை ஆற்றல் என்றால், அது இயேசுகிறிஸ்துவாகிய உலக இரட்சகரை பற்றினது. அவரே நமது விசுவாசத்தின் துவக்கமும் முடிவுமாய் இருக்கிறார், அவரே ஆதியும் அந்தமுமாக, வழியும் சத்தியமும், ஜீவனுமாக இருக்கிறார். அவரே நமது இரட்சிப்பின் தலைவராக, உலகத்தில் வந்த எந்த மனிதனையும் பிரகாசிப்பிக்கும் ஒளியாக, உலகத்தில் வந்த எந்த மனிதனையும் தமது விலையேறப்பெற்ற இரத்தத்தால் கழுவி சுத்திகரிப்பவராக, அவரே நமது சமாதான கர்த்தராக, தேவனுடைய ஒரே பேறான குமாரனாக, இருப்பவராகவே இருக்கிறவர். அவருடைய நாமமே அன்றி இரட்சிக்கப்படவதற்கு வேறொரு நாமம் கொடுக்கப்படவில்லை. அவருடைய நாமத்தின்மேல் விசுவாசமுள்ளவர்களாய் அவரை ஏற்றுக் கொண்டவர்கள் எத்தனைபேர்களோ, அத்தனைபேர்களும் தேவனுடைய பிள்ளைகளாகும்படி, அவர்களுக்கு அதிகாரங் கொடுத்தார். - (யோவான் 1:12). இந்த அருமையான தேவனை போல் வேறு யாருண்டு? நமது பாவங்களை கழுவி நம்மை இரட்சித்து, நம்மை பரலோக ராஜ்ஜியத்திற்கு பங்குள்ளவர்களாய் மாற்றும் இந்த தேவனை போல யாருண்டு? இந்த தேவனை விசுவாசிக்கிறவர்கள் யாரும் வெட்கப்பட்டு போவதில்லை. அவரை விசுவாசிக்கிறவன் ஆக்கினைக்குள்ளாகத் தீர்க்கப்படான்; விசுவாசியாதவனோ, தேவனுடைய ஒரேபேறான குமாரனுடைய நாமத்தில் விசுவாசமுள்ளவனாயிராதபடியினால், அவன் ஆக்கினைத் தீர்ப்புக்குட்பட்டாயிற்று. - (யோவான் 3:18).
(Anudhina Manna, A Free Daily Devotional)

நன்றியுள்ள இருதயம்

.

அப்பொழுது இயேசு: சுத்தமானவர்கள் பத்துப்பேர் அல்லவா, மற்ற ஒன்பதுபேர் எங்கே? தேவனை மகிமைப்படுத்துகிறதற்கு, இந்த அந்நியனே ஒழிய மற்றொருவனும் திரும்பிவரக்காணோமே என்று சொல்லி, அவனை நோக்கி: நீ எழுந்துபோ, உன் விசுவாசம் உன்னை இரட்சித்தது என்றார். - (லூக்கா 17: 17-19).

.
இன்று நம்மில் எத்தனைப் பேர் அப்படி நன்றியில்லதவர்களாக இருக்கிறோம்? தேவன் நமக்கு பாராட்டிய கிருபைகள்தான் எத்தனை? அதை ஒரு முறையாவது நாம் நினைத்து அவரை துதிக்கிறோமா? பத்து குஷ்டரோகிகள் சுத்தமானாலும் ஒருவன் தான் திரும்ப வந்து அவருக்கு நன்றி சொன்னான். சுத்தமானவர்கள் பத்துப்பேர் அல்லவா, மற்ற ஒன்பதுபேர் எங்கே? தேவனை மகிமைப்படுத்துகிறதற்கு, இந்த அந்நியனே ஒழிய மற்றொருவனும் திரும்பிவரக்காணோமே என்று இயேசுகிறிஸ்து சொன்னாரல்லவா?

தேவன் செய்த நன்மைகளை மறவாதபடிக்கு எச்சரிக்கையாயிருப்போம். அவருக்கு நன்றியறிதலுள்ளவர்களாய் இருப்போம். நம்முடைய தாழ்வில் நம்மை நினைத்தாரே! நாம் வேண்டுவதற்கும் நினைப்பதற்கும் அதிகமாய் நம்மை ஆசீர்வதித்திருக்கிறாரே! அவருக்கு நாம் எத்தனையாய் நன்றி சொல்ல வேண்டும்! ஒரு நிமிடம் ஒரு தாளை எடுத்து கர்த்தர் செய்த பத்து காரியங்களை எழுதி, அப்பா உமக்கு ஸ்தோத்திரம். எனக்கு இப்படி கிருபை பாராட்டினீரே என்று கூறுவோமானால், அவர் எத்தனை மகிழ்வார்?

நாம் யாருக்காவது ஒரு நன்மை செய்யும்போது அவர்கள் நமக்கு நன்றி சொல்ல வேண்டும் என்று எதிர்பார்ப்பது இயற்கையானது. ஆனால் அவர்கள் நன்றி எதுவும் சொல்லாமல் போய் விட்டால், நாம் இந்த மனிதனுக்கு போய் செய்தோமே என்று நினைப்போமில்லையா? அதுப் போலத்தான் கர்த்தர் நமக்கு செய்த நன்மைகளுக்கு நாம் நன்றி சொல்லாமல் போனால், அவரும் அதுப் போலத்தான் நினைப்பார். மற்ற நன்மைகளை அவர் தருவார் என்று நாம் எதிர்ப்பார்ப்பது எப்படி? நாம் அவரிடமிருந்து என்ன பெற்று கொண்டாலும் அதற்கு நன்றி சொல்ல பழகிக் கொள்வோம். இன்று, நாம் தேவன் செய்த நன்மைகளை மறப்பதினால்தான், வீண் பெருமை, அகந்தை நம்மை ஆட்கொள்கிறது. நாம் இருந்த நிலைமையிலேயே நாம் இன்று இல்லை. கர்த்தர் நம்மை நிச்சயமாக உயர்த்தியிருக்கிறார். நாம் இருந்த பழைய நிலைமையை மறக்கும்போதுதான், மற்றவர்களை காட்டிலும் நான் உயர்ந்தவன் என்று நம் மனம் பெருமை கொள்கிறது. ஆகையால் நாம் ஜெபிக்கும்போது, அப்பா, நீர் செய்த நன்மைகளை மறவாதிருக்கும் நன்றியுள்ள இருதயத்தை எனக்கு என்றும் தாரும் என்று ஜெபிக்க வேண்டும்.நன்றி என்று சொல்லுவோம். கர்த்தர் செய்த நன்மைகளை மறவாதிருப்போம். கர்த்தர் நம்மை ஆசீர்வதிப்பார். (Anudhina Manna, A Free Daily Devotional)

விசுவாசிக்கிறவனுக்கு எல்லாம் கூடும்

.

இயேசு அவனை நோக்கி: நீ விசுவாசிக்கக்கூடுமானால் ஆகும், விசுவாசிக்கிறவனுக்கு எல்லாம் கூடும் என்றார். - (மாற்கு 9:23).

'விசுவாசமானது நம்பப்படுகிறவைகளின் உறுதியும், காணப்படாதவைகளின் நிச்சயமுமாயிருக்கிறது' (எபிரேயர் 11:1) என்று வேதம் கூறுகிறது. ஆபிரகாமின் விசுவாசமும் அப்படியே இருந்தது. சாத்தியமில்லாத சூழ்நிலையிலும் விசுவாசிக்க இயலாத நேரத்திலும் தனக்கொரு பிள்ளை பிறப்பான் என்று விசுவாசித்தார்.

.

இன்றும் உங்களை அழுத்துகிற பிரச்சனையின் மத்தியில் தேவனை விசுவாசிக்க இயலாத சூழ்நிலையில் இருக்கும் சகோதரனே, சகோதரியே, நானிருக்கும் இந்த வியாதியில், பிரச்சனையில் எந்த அற்புதமுமே நடக்க முடியாது, என்னை விடுவிக்க யாராலும் முடியாது நான் வாழ்வதை விட சாவது மேல் என்று எண்ணிக் கொண்டிருக்கிறீர்களோ? என் பிரச்சனைக்கு முடிவே இல்லை என்று எண்ணிக் கொண்டிருக்கிறீர்களோ?

.

இன்று அற்புதங்களை செய்யும் நம் தேவனை விசுவாசியுங்கள். விசுவாசிக்கிறவனுக்கு எல்லாம் கூடும், நீங்கள் கலங்கி கொண்டிருக்;கிற காரியத்தில் அற்புதங்கள் செய்து உங்களை விடுவிப்பது தேவனுக்கு இலேசான காரியம்.

.

நம் வியாதியின் மத்தியிலும், பிரச்சனைகளின் மத்தியிலும் அவற்றில் நாம் கஷ்டப்பட வேண்டும் என்று நம் தேவன் விரும்புவதில்லை. அவற்றை மாற்ற வல்லவர் அவரே என்ற விசுவாசம் நம் உள்ளத்தில் வரும்போது, இயற்க்கைக்கு அப்பாற்பட்ட விதத்தில் அற்புதம் செய்து, தேவன் நம்மை மகிழ்ச்சிக்குள்ளாக்குவார். கர்த்தர் அற்புதம் செய்யும்போது, மற்றவர்கள் வியப்புக்குள்ளாகி, இந்தக் காரியம் எப்படி நடந்தது என்று ஆச்சரியப்படும் வண்ணம், கர்த்தர் பெரிய காரியங்களை செய்வார். ஆமென் அல்லேலூயா!
(Anudhina Manna, A Free Daily Devotional)

அடைக்கல பட்டணம்

.

மேலும், தமது மூலமாய்த் தேவனிடத்தில் சேருகிறவர்களுக்காக வேண்டுதல்செய்யும்படிக்கு அவர் எப்பொழுதும் உயிரோடிருக்கிறவராகையால் அவர்களை முற்றுமுடிய இரட்சிக்க வல்லவராயுமிருக்கிறார். - (எபிரேயர் 7:25).

.
பிரியமானவர்களே, இன்றும் நமக்கு அடைக்கலப்பட்டணமாக இயேசுகிறிஸ்து இருக்கிறார். பாவத்தின் சம்பளம் மரணம் என்ற நியதியை யாரும் மாற்ற முடியாது. ஆனால் தேவன் நம்மேல் வைத்த அன்பினால், நாம் செய்த பாவங்களுக்கு தப்பித்து கொள்ளும்படியாக தமது சொந்த குமாரனையே பலியாக்கி, நம்முடைய பாவங்களுக்கு நாம் அடைய வேண்டிய ஆக்கினையை அடையாதபடி காத்து கொண்டார்.

.

பாவத்தை செய்து, அதன் விளைவால் துன்பமும் துக்கமும் அடைந்து என்னை விடுவிப்பார் யாரும் இல்லை என்று கலங்கி கொண்டிருக்கிறீர்களோ? நீங்கள் சென்றடையும்படி உங்களுக்கென்று ஒரு அடைக்கல பட்டணம் உண்டு. அவர்தான் இயேசுகிறிஸ்து. அவரேயன்றி நரகத்திற்கு தப்பும் வழி வேறு ஒன்றுமே இல்லை. அவருடைய மாசற்ற திரு இரத்தமே உங்களுடைய என்னுடைய பாவத்தை போக்கும் ஒரே வழி. உங்கள் கைகள் கட்டப்பட்டிருக்கவில்லை, உங்கள் கால்கள் கட்டப்பட்டும் இல்லை, ஆனால் நீங்கள் எடுக்கப்போகும் முடிவு உங்களை நித்திய அழிவிற்கோ அல்லது நித்திய ஜீவனுக்கோ உங்களை அழைத்து செல்லும். அப்னேரை போல வாசலண்டை நின்று கொண்டு சாத்தானின் சதி திட்டத்தால் அவனுடைய நித்திய நரகத்திற்கு சென்றடைய போகிறீர்களோ? இயேசுகிறிஸ்து வாசலண்டை நின்று அழைக்கும் சத்தம் கேட்டு, உள்ளே வந்து விடுங்கள். கொடிய சாத்தானின் பிடியிலிருந்து ஓடி வந்து விடுங்கள். அவருடைய விரிக்கப்பட்ட கரம் உங்களை ஏற்று கொள்ளும். இரவோ பகலோ எந்த நேரமும் அடைக்கப்படாத, குறுகிப்போகாத அவருடைய கரங்கள் உங்களை அணைத்து கொள்ளும். ஏற்று கொள்ளும். நித்திய ஜீவனுக்கு உங்களை அழைத்து செல்லும். பரலோக இராஜ்ஜியத்திற்கு உங்களை தகுதிப்படுத்தும். ஓடிவந்து விடுவோமா? மீண்டும் ஒரு தருணம் உங்களுக்கு கொடுக்கப்படாமல் இருக்கலாம். ஆகவே இப்போதே அவரிடம் ஓடி வந்து விடுங்கள். கர்த்தர் உங்களை ஏற்று கொள்வார். ஆமென் அல்லேலூயா!
(Anudhina Manna, A Free Daily Devotional)

நாம் எல்லோரும் பாவிகள்

.

பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன். - (ரோமர் 6:23)

.
உலகிலுள்ள ஒவ்வொரு மனிதனும் சாத்தான் என்ற கொடிய வலுசர்பபதினால் கடிபட்டவர்களே. அதனிமித்தம் பாவம் என்னும் விஷம் நம் சிந்தையில், செயலில் இருந்தே கொண்டேதான் இருக்கிறது. அதாவது ஒருவன் பாவம் செய்வதால் மட்டும்; பாவியாகவில்லை. அவன் பாவியாகவே பிறக்கிறான். ஆம், பாவம் நம்மில் விஷத்தை போல உள்ளது, அதினின்று நாம் விடுபட கவனமற்றிருப்போமானால் அது நம் ஆத்துமாவை நித்திய மரணத்திற்கு நேராய் கொண்டு சென்று விடும்.
.
முதலாவதாக நாம், நிர்ப்பந்தமான மனுஷன் நான், இந்த பாவ சரீரத்தினின்று யார் என்னை விடுதலையாக்குவார் (ரோமர் 7:24) என்ற உணர்வோடு தீவிரமாய் செய்ல்பட வேண்டும்.
.
அடுத்ததாக சகல பாவத்தையும் கழுவி சுத்திகரிக்கும் இயேசுகிறிஸ்துவின் இரத்தத்தை நேராய் கடந்து வர வேண்டும். பாவமாகிய விஷத்தை போக்க வல்லமையுள்ளது இயேசுகிறிஸ்துவின் தூய இரத்தம் மாத்திரமே! ஆண்டவரே, என் பாவங்களை போக்க வல்லவரே, உம்முடைய இரத்தத்தால் என்னை கழுவி சுத்திகரித்தருளும் என்று அவரிடம் நாம் கேட்கும்போது, நிச்சயமாக நம்மை கழுவி அவர் சுத்திகரிக்க வல்லவர். 'நமக்குப் பாவமில்லையென்போமானால், நம்மை நாமே வஞ்சிக்கிறவர்களாயிருப்போம், சத்தியம் நமக்குள் இராது. நம்முடைய பாவங்களை நாம் அறிக்கையிட்டால், பாவங்களை நமக்கு மன்னித்து எல்லா அநியாயத்தையும் நீக்கி நம்மைச் சுத்திகரிப்பதற்கு அவர் உண்மையும் நீதியும் உள்ளவராயிருக்கிறார்' (1யோவான் 11:8-9)
.
நாளை நாளை என்று காலதாமதம் பண்ணாமல், அவ்வப்போது வரும் எச்சரிப்பின் சத்தத்தை அசட்டை பண்ணாமல், தீவிரமாய் ஆண்டவரிடம் கிட்டி சேரும்போது நமது ஜீவனை காத்துக் கொண்டு நித்திய ஜீவனை பெற்றுக் கொள்ள முடியும். 'பாவத்தின் சம்பளம் மரணம்; தேவனுடைய கிருபைவரமோ நம்முடைய கர்த்தராகிய இயேசுகிறிஸ்துவினால் உண்டான நித்தியஜீவன்'. ஆமென் அல்லேலூயா!
(Anudhina Manna, A Free Daily Devotional)

பிறரை நேசிப்போம்

.
அவனவன் தனக்கானவைகளையல்ல, பிறருக்கானவைகளையும் நோக்குவானாக. - (பிலிப்பியர் 2:4).

.
பிரியமானவர்களே, தீர்க்கமுடியாத வியாதி, எதிர்பாராத மரணம் நம் இருதயத்தை சுக்கு நூறாக உடைத்து விடும் என்பது உண்மையே. உலகமே இருண்டு விடும், வாழ்க்கை கேள்விக்குறியாக மாறும், விரக்தி ஏற்படும். இவை எல்லாம் நூற்றுக்கு நூறு உண்மையே! இந்த சூழ்நிலையில் நம் துயரை மட்டுமே எண்ணி எண்ணி முடங்கி விடுவோமானால், நமது நிலை பரிதாபமே. அதே வேளையில் பிறர் மீதும் அக்கறை கொண்டு, கனிவாக விசாரித்து அவர்களின் துயரத்தில் நம்மால் இயன்ற உதவிகளை செய்து ஆறுதல் அளிப்போமானால், நமது துக்கம் மறந்து துரும்பாக மாறும் என்பது உண்மை. காலப்போக்கில் நமது துயரையே மறந்து விடுவோம். ஆகவே நமது வீட்டிலுள்ள சிறுசிறு பிரச்சனைளையும், துயரங்களையும் வீட்டிற்கு வரும் அனைவரிடமும் சொல்லி புலம்பி கொண்டேயிராமல், பிறரை அன்போடு விசாரித்து, ஆறுதல் சொல்லுங்கள். எனது சுமையை சுமந்தது போதும், பிறருக்கு ஆறுதலாய் வாழ்வேன் என முடிவெடுங்கள். ஒரே ஒரு வாழ்வு, அதை சுயநலமாயல்ல, பிறர் நலனுக்காய் வாழ்வேன் என தீர்மானியுங்கள். சுவையற்ற இருண்ட உங்கள் வாழ்வு சுகமாய் மாறிவிடும்.

வேதத்திலே ஒரு சம்பவம் உண்டு. தேசத்திலே நிலவிய பஞ்சம் காரணமாக நகோமி எலிமெலேக்கு தம்பதியினர் மோவாப் தேசத்திற்கு செல்கின்றனர். அங்கே குடியிருந்து தன் இரு மகன்களுக்கும், அங்கேயே பெண் எடுக்கின்றனர். எதிர்பாராதவிதமாக நகோமி தன் கணவனையும், இரு மகன்களையும் இழந்து விடுகிறாள். இப்போது தன் தேசத்திற்கு திரும்புகிறாள். அவளுடன் இரு மருமகள்களும் வருகின்றனர். அவர்கள் இருவரையும் தகப்பன் வீட்டிற்கு போகும்படி வேண்டுகிறாள். அதில் மூத்தவள் தன் எதிர்காலத்தை எண்ணி புது வாழ்க்கை அமைத்து கொள்ளலாம் என்று சென்றுவிட்டாள். ஆனால் இளைய மருமகள் ரூத்தோ தன் மாமியாரை விடவில்லை. 'உம்மோடே வருகிறேன்' என தன் வாழ்வை குறித்து சிறிதும் யோசிக்காமல் கிளம்பினாள். என் மாமி எல்லாவற்றையம் இழந்து வெறுமையாய் செல்கிறார்களே, அவர்களது வெறுமையை நிரப்ப நான் அவர்களோடு செல்வேன், என் மாமியாருக்கு ஆறுதலாய் இருப்பேன்' என எண்ணியவளாக தன் துன்பத்தை மறந்து மாமியாரோடு செல்கிறாள் ரூத். தனக்கானதை அல்ல, பிறருக்கானவைகளையும் நோக்கின ரூத், இயேசுகிறிஸ்துவின் வம்ச வரலாற்றில் இடம் பெற்று, இயேசுகிறிஸ்துவின் பாட்டியானாள்.ரூத்தை போல நாமும் மற்றவருக்காக வாழ கத்துகொல்லுவோம் கர்த்தர் நம்மை ஆசிர்வதிக்க உயர்த்த மேன்மைபடுத்துவார். கர்த்தர் தாமே உதவி செய்வாராக . ஆமென் அல்லேலூயா!
(Anudhina Manna, A Free Daily Devotional)

கர்த்தர் விரும்புகிற இருதயம்

.

தேவனுக்கேற்கும் பலிகள் நொறுங்குண்ட ஆவிதான்; தேவனே, நொறுங்குண்டதும் நருங்குண்டதுமான இருதயத்தை நீர் புறக்கணியீர். - (சங்கீதம் 51:17).

.
தேவன் நொறுங்குண்ட இருதயத்தை புறக்கணியார் என்பது நம் எல்லாருக்கம் தெரியும்.. அப்படி நொறுங்குதல் என்றால், நம் துன்பங்களின் நடுவில் கர்த்தரிடம் கதறுவதா? அல்லது மற்றவர்கள் செய்த துன்பத்தில் மனம் உடைந்து நொறுங்கி போவதா? நொறுங்குதல் என்றால் என்ன? இந்த நொறுங்குதலை விவரிப்பது அவ்வளவு எளிதல்ல! ஆனால், இயேசுவை சிலுவையில் அறைந்தபோது அவரிடமிருந்து ஏற்பட்ட பிரதிபலிப்பிலிருந்து இதற்கான விடையை தெளிவாக காணலாம்.

.

என் சாட்சி வாழ்விற்கு களங்கம் கற்பிக்கப்படும் போதும், வேண்டுமென்றே என்னைக் குறித்து பொய்யாய் திரித்து பேசப்படும்போதும், என் விழிகள் இயேசுவை நோக்கி பார்த்து, என் இயேசுவும் அவ்வாறு பொய்யாய் குற்றம் சாட்டப்படுகையில் வாய் திறவாமல் இருந்ததை நினைவு கூர்ந்தேன். அப்பொழுது என் சிரம் தாழ்த்தி இவ்விதமாய் நான் குற்றம் சாட்டப்பட்டதை சிறிதும் நியாயப்படுத்த முயற்சிக்காமல் அப்படியே ஏற்றுகொண்டேன். இதுவே நொறுங்குதல்.

.

பகிரங்கமாய் என்னை உதாசீனம் செய்துவிட்டு எனக்கு முன்பாக வேறொருவரை உயர்த்தும்போது, என்விழிகள் இயேசுவை நோக்கி பார்த்து அவரையும் ஜனங்கள் ‘இவரை அகற்றும், பரபாசை எஙகளுக்கு விடுதலையாக்கும்’ என சத்தமிட்டதை நினைவுகூர்ந்தேன். அப்போது என் சிரம் தாழ்த்தி இவ்விதமாய் நான் தள்ளுண்டதை ஏற்றுக் கொளகிறேன் என்றேன். இதுவே நொறுங்குதல்

.

தேவனோடு சீர் பொருந்தி பரிசுத்தமாய் வாழ்வதற்கு பிறரிடம் மன்னிப்பு கேட்டு இவ்வொப்புரவாகுதலின் தாழ்மை வழியை நான் நிச்சயமாய் கடந்து சென்றே ஆகவேண்டும் என்று அறிந்த போது, என் விழிகள் இயேசுவை நோக்கி பார்த்து, இயேசுவும் தன்னைத்தானே வெறுமையாக்கி, சிலுவையின் மரண பரியந்தமும் கீழ்படிந்து தன்னைத்தானே தாழ்த்தினார் என்ற வசனத்தை நினைவு கூர்ந்தேன். இவ்வித ஒப்புவாகுதலால் பகிரங்கமாக்கப்படும் என் அவமானத்தை ஏற்றுக் கொள்கிறேன் என்றேன். இதுவே நொறுங்குதல்.

.

ஒருவர் என்னிடம் நடந்து கொள்ளும் விதமானது இனி மன்னிக்கவே முடியாது என்ற உச்சக்கட்டத்தை எட்டும்போது மனம் வெதும்ப என் விழிகள் இயேசுவை நோக்கி பார்த்து, அவர் கொடூரமாய் சிலுவையில் அறையப்பட்ட போதும் 'பிதாவே இவர்களை மன்னியும், தாங்கள்செய்கிறது இன்னதென்று அறியாதிருக்கிறார்களே' என ஜெபித்ததை நினைவு கூர்ந்தேன். அப்போது என் சிரம்தாழ்த்தி, மற்றவர்களின் எப்பேர்ப்பட்ட கொடிய செய்கைகளும் என் அன்பின் பிதாவின் அனுமதியுடனேயே சம்பவிக்கிறது என ஏற்றுக்கொண்டேன். இதுவே நொறுங்குதல்.

.

இதற்காக நீங்கள் அழைக்கப்பட்டுமிருக்கிறீர்கள்; ஏனெனில், கிறிஸ்துவும் உங்களுக்காகப் பாடுபட்டு, நீங்கள் தம்முடைய அடிச்சுவடுகளைத் தொடர்ந்துவரும்படி உங்களுக்கு மாதிரியைப் பின்வைத்துப்போனார். அவர் பாவஞ்செய்யவில்லை, அவருடைய வாயிலே வஞ்சனை காணப்படவுமில்லை. அவர் வையப்படும்போது பதில் வையாமலும், பாடுபடும்போது பயமுறுத்தாமலும், நியாயமாய்த் தீர்ப்புச்செய்கிறவருக்குத் தம்மை ஒப்புவித்தார். - (1 பேதுரு 2:21-23)

.

இதுபோன்று எல்லாவிதத்திலும் இயேசுகிறிஸ்து பாடுகளை சகித்து நமக்கு முன்மாதிரியாக நொறுக்கப்பட்டார். நம்முடைய பலவீனங்களைக்குறித்துப் பரிதபிக்கக்கூடாத பிரதான ஆசாரியர் நமக்கிராமல், எல்லாவிதத்திலும் நம்மைப்போல் சோதிக்கப்பட்டும், பாவமில்லாதவராயிருக்கிற பிரதான ஆசாரியரே நமக்கிருக்கிறார். - (எபிரேயர் 4:15). ஆகவே சோர்ந்து போகாதிருப்போம். நம் பிரச்சனையில் கர்த்தர் நம்முடனே இருக்கிறார். அல்லேலூயா!
(Anudhina Manna, A Free Daily Devotional)

கர்த்தர் நம்மிடம் எதிர்பார்க்கும் ஒருமனம்

.
.
நாம் ஒன்றாயிருக்கிறதுபோல அவர்களும் ஒன்றாயிருக்கும்படி, நீர் எனக்குத்தந்த மகிமையை நான் அவர்களுக்குக் கொடுத்தேன். - (யோவான் 17:22).

.
இன்று நம்முடைய சபைகளில் ஊழியர்கள் மாட்டும்தான் ஊழியம்செய்யவேண்டும் நாம் விசுவாசிகள் நமக்கு ஊழியம் இல்லை நாம் அவர்கள் போதிக்ககூடிய வார்த்தைகளை கேட்பதுமாத்திரம் தான் நம்முடைய வேலை என்று எண்ணிக்கொண்டு இருக்கிறார்கள் . நாம் ஒவ்வொருவரையும் குறித்து நோக்கம் திட்டம் வைத்து இருக்கிறார் நாம் ஒவ்வொருவருக்கும் ஒவ்வொரு தாலந்தை தந்து இருக்கிறார் . அந்த தாலந்தை நாம் சபையில் ஊழியர்களோடு சேர்ந்து கர்த்தர் தந்த தாலந்தை நாம் புரயோஜன படுத்தவேண்டும் . முதலாவது கர்த்தர் நமக்கு எப்படிப்பட்ட தாலந்தை தந்திருக்கிறார் என்பதை விளங்கிக்கொள்ளவேண்டும் . அதை அறிந்து கொண்டு நாம் செயல் படுவோமானால் கர்த்தர் நம்மை நடத்துவார் . இன்று நம்முடைய சபையில் ஊழியர்களுக்கும் விசுவாசிகளுக்கும் ஒருமனம் இல்லை தங்களோடு உள்ள சக ஊழியர்களுடன் ஒருமனம் இல்லை இப்படிஇருக்கும்பொழுது கர்த்தரிடம் இருந்து நாம் ஏதும் எதிர்பார்ப்பது கூடாதகாரியம் . கர்த்தர் முன்னாட்களில் செய்த காரியங்களை இப்பொழுது கர்த்தரால் செய்யமுடியவில்லை காரணம் ஏனென்றால் நம்மிடத்தில் ஒருமனம் இல்லை பல இலெட்சங்கள் செலவு செய்து கன்வென்சன் கூட்டம் நடத்துகிறோம் எத்தனைபேர் ஆண்டவரை ஏற்று கொண்டார்கள் எத்தனைபேர் விடுதலை சுகம் பெற்றுகொண்டார்கள் நாம் இதை தியானிக்கவேண்டும் . கர்த்தர் ஏன் தாம் செய்த வாக்குதங்களை நிறைவேற்ற முடியவில்லை நம்மிடத்தில் ஒருமனம் இல்லை இந்த ஒரேஒரு காரணம் மட்டுமே . இதை நான் சொல்லுவதினால் என்னை நீங்கள் தவறாக நினைத்துகொண்டலும் சரி அதைப்பற்றி ஒன்றும் இல்லை கர்த்தர் நினைவு படுத்தினார் . தவறாக இருந்தால் மன்னித்து கொள்ளுங்கள் தொடர்ந்து தியானிப்போம்

.

தேவன் ஒவ்வொரு விசுவாசிக்கும் ஒன்று அல்லது அதற்கு மேற்பட்ட தாலந்துகளை கொடுத்திருக்கிறார். யாரும் எனக்கு எந்த தாலந்தும் இல்லை என்று கூறவே முடியாது. ஆனால் தேவன் தங்களுக்கு தாலந்துகளை கொடுத்திருக்கிறார் என்பதை விசுவாசிகள் உணர்வதில்லை. தங்களால் தேவனுக்கென்று பெரிய காரியங்களை செய்ய முடியும் என்று விசுவாசிப்பதும் இல்லை. காலம் முழுவதும் கேட்கிறவர்களாகவே அவர்கள் வாழ்ந்து கொண்டிருக்கிறார்கள். வசனம் கேட்கும்போதுதான் விசுவாசம் பெருகும். வசனத்தை கேட்டப்பின் கர்த்தருக்கென்று எழும்பி பிரகாசிக்கவே வேண்டும். அப்படியே மாணவர்களை போல உட்கார்ந்து கேட்டு கொண்டே இருக்க கூடாது.

.

இஸ்ரவேலில் சவக்கடல் என்று ஒரு கடல் இருக்கிறது. அதில் அதிக உப்பேறி இருப்பதால் அதன் நீர் உயிரினங்கள் வாழ்வதற்கு ஏற்றதாக இல்லை. இந்த கடலில் யோர்தான் நதியின் தண்ணீர் விழுகிறது. மழை நீரும் அதில் விழுகிறது. ஆனால் எல்லாவற்றையும் உள்வாங்கி கொண்ட கடல், ஒன்றுக்கும் பயனில்லாமல், விவசாயத்திற்கோ, உயிரினங்கள் வாழ்வதற்கோ பயனில்லாதவாறு வெறுமனே இருக்கிறது. அதுப்போல நாமும் வசனங்களை கேட்டு அதன்படி செய்யாமலோ, கர்த்தருக்காக எதையாவது செய்யாமல் போனாலோ, நாம் கேட்டு கொண்ட வசனங்களினால் யாருக்கும் பயனில்லாமல் போகும்.

.

தாலந்துகளாலும் கிருபை வரங்களாலும் நிறைந்த விசுவாசிகளும், தேவ பிள்ளைகளோடு இணைந்து சபையில் இருந்து ஊழியத்தை செய்ய வேண்டும். எனக்கு வசனம் தெரியும், தேவன் எனக்கு தாலந்துகளை கொடுத்திருக்கிறார், நான் யார் கீழ் இருந்தும் ஊழியம் செய்ய தேவையில்லை என்று போவோமானால், அது கர்த்தருக்கு வருத்தத்தையே கொடுக்கும். தேவன் சபையின் பக்திவிருத்திக்காகத்தான் ஊழியங்களை கொடுத்திருக்கிறார். 'பரிசுத்தவான்கள் சீர்பொருந்தும்பொருட்டு, சுவிசேஷ ஊழியத்தின் வேலைக்காகவும், கிறிஸ்துவின் சரீரமாகிய சபையானது பக்திவிருத்தி அடைவதற்காகவும், அவர், சிலரை அப்போஸ்தலராகவும், சிலரைத் தீர்க்கதரிசிகளாகவும், சிலரைச் சுவிசேஷகராகவும், சிலரை மேய்ப்பராகவும் போதகராகவும் ஏற்படுத்தினார்' (எபேசியர் 4:12-13) என்று வேதம் தெளிவாக கூறுகிறது.

.

தேவன் கொடுத்த ஊழியங்களை சபையில் இருந்து, மற்ற விசுவாசிகளோடு ஒன்றிணைந்து ஒரே தேவனுடைய பிள்ளைகளாக அவற்றை நிறைவேற்ற வேண்டும். தேவனோடு நாம் இருந்து செய்யும்போது நாம்தான் ஹீரோ, தேவன் இல்லாமல் நாம் செய்யும் எந்த காரியமும் ஜீரோதான்.

.

சபையில் சக விசுவாசிகளோடு ஐக்கியமாயிருக்க வேண்டும். ஒன்றாக இணைந்த கம்பி வடங்களே, பெரிய உறுதியான கம்பிகயிற்றுக்கு உறுதியை கொடுக்கின்றன. ஆப்படி கம்பி வடங்கள் தனித்தனியாக இருந்தால், அது ஒரு கார் போவதற்குள் அறுந்து விழுந்து விடும். அதுப்போல சபையின் விசுவாசிகளுக்குள் ஒரு மனம் மிகவும் முக்கியம். ஒரு மனம் இருக்கும் இடத்தில் ஆவியானவர் பெரிய காரியங்களை செய்வார். கிறிஸ்து தமது சொந்த இரத்தத்தை சிந்தி சம்பாதித்த சபையில் ஒருமனதோடு அவர் நாமத்தை உயர்த்துவோமாக! தேவனின் நாமம் மகிமைப்படட்டும்! ஆமென் அல்லேலூயா!
(Anudhina Manna, A Free Daily Devotional)

Sis.Manna_ TPM _Songs

http://www.4shared.com/folder/KIk3aF0z/SIS.html

TPM_Malaysia_2014_Convention Songs

http://www.4shared.com/folder/VZgMwcup/TPM_Malaysia_2014_Convection_S.html

Promise Of Words

http://www.4shared.com/folder/HAQsmJjD/Promice_Of_Words.html

The Pentecostal Mission_Tamil_ Service_ All _Songs

http://www.4shared.com/folder/_l0ql5Q8/TPM_Tamil_Service_Songs.html

   

The Pentecostal Mission Malayalam Service Songs

 

               http://www.4shared.com/folder/ktujeUZl/TPM_Malayalam_Songs.html

The Pentecostal Mission Tamil Service Song

            https://drive.google.com/folderview?id=0BwIBguoGV5EkVGRxa013cW5HaVk&usp=sharing#list

முந்திக் கொள்வோம்

.
மனுஷர் உங்களுக்கு எவைகளைச்செய்ய விரும்புகிறீர்களோ, அவைகளை நீங்களும் அவர்களுக்குச் செய்யுங்கள். - (மத்தேயு 7:12).
.
நாம் அநேக நேரங்களில் பிறரிடமிருந்து ஏதோ ஒன்றை எதிர்ப்பார்த்துக் கொண்டேதான் வாழ்கிறோம். ஒரு திருமண வீட்டிற்கு சென்று ஒரு குறிப்பிட்ட பணத்தை அன்பளிப்பாக கொடுக்கும்போது, நம் வீட்டு திருமணத்திற்கு அதே திரும்ப கொடுக்கப்பட வேண்டும் என்று எதிர்ப்பார்க்கிறவர்கள் உண்டு. பிறருக்கு ஏதோ ஒரு விதத்தில் உதவினால், அவர்களும் நமக்கு திரும்ப உதவ வேண்டும் என்று நாம் நம்மை அறியாமலே எதிர்ப்பார்க்கிறோம். ஏதாவது முக்கிய கூட்டங்களுக்கு செல்லும்போது, நம்மை மற்றவர்கள் மதிக்க வேண்டும் என எதிர்ப்பார்க்கிறோம். உடல் நிலை சரியில்லை என்றால், குடும்பத்தில் உள்ள ஒவ்வொருவரும் நம்மை கரிசனையாய் விசாரித்து, கவனிக்க வேண்டும் என்றும் விரும்புகிறோம்.
.
நம்மில் அநேகர் புலம்புவதுண்டு, என்னை என் உடன்பிறந்தாரோ, உறவினரோ, நண்பர்களோ யாரும் எப்படி இருக்கிறாய் என்று விசாரிப்பதில்லை, ஒரு போன் போட்டுக் கூட கேட்பதில்லை என்று. நம்மை அவர்கள் விசாரிக்க வேண்டும் என்று விரும்பும் நாம், ஏன் முதலில் தொடர்பு கொண்டு விசாரிக்கக்கூடாது? இன்னும் சிலர் தங்களது குடும்பத்தார் கொடுத்துக கொண்டே இருக்க வேண்டுமென்று எதிர்ப்பார்ப்பர். ஆனால் என்னால் அவர்களுக்கு என்ன செய்ய முடியும் என்று துளியும் யோசிப்பதில்லை.
.
பிறரிடமிருந்தே உதவியை எதிர்ப்பார்க்கும் நாம் பிறருக்கு உதவுவதில் ஏன் முந்திக்கொள்வதில்லை? குறிப்பாக மனைவி, கணவன் தன்னை எப்போதும் விசாரித்துக் கொண்டே இருக்க வேண்டும், அன்பின் வார்த்தைகளை பேசிக் கொண்டே இருக்க வேண்டும், தான் செய்யும் ஒவ்வொன்றையும் பாராட்ட வேண்டும், தனது தாயின் குடும்பத்தை நேசிக்க வேண்டும் என்றெல்லாம் கணவரிடம் எதிர்ப்பார்க்கிறாள். எதிர்ப்பார்ப்புகள் சில நேரங்களில் பொய்த்துப் போகும்போது எரிச்சலடைந்து, வார்த்தைகள் வாக்குவாதமாகி, வாக்குவாதம் கடும் சண்டையில் போய் முடிந்து விடுகிறது. ஆனால் அவள் எதையெல்லாம் கணவனிடம் எதிர்ப்பார்த்தாளோ அவை அனைத்தையும் அவள் கணவனுக்கு செய்ய முந்திக் கொண்டிருப்பாளானால் அந்த குடும்பம் எவ்வளவு மகிழ்ச்சியாயிருக்கும்? அப்படி நடந்துக் கொள்ளும்போது, கணவனால் கூடுதல் அன்பை காட்டாமல் இருக்க முடியுமா?
.
பிரியமானவர்களே, நம் குடும்பத்தார் நம்மை நேசிக்க வேண்டும், மதிக்க வேண்டும், நம்மிடம் ஆலோசனை கேட்க வேண்டும், உதவ வேண்டும், என் குறைகளை மன்னிக்க வேண்டும், மீண்டும் அன்பு செலுத்த வேண்டும் என்று தானே விருமபுவோம். யாரும் குடும்பத்தாரால் புறக்கணிக்கப்படவும், அற்பமாய் எண்ணப்படவும் விரும்பமாட்டோமல்லவா? ஆகவே உங்களுக்கு உங்கள் குடும்பத்தார், அயலகத்தார், விசுவாசிகள், நண்பர்கள் என்ன செய்ய வேண்டுமென்று விரும்புகிறீர்களோ அவைகளையே நீங்கள் அவர்களுக்கு செய்யுங்கள்.
.
பிறர் எனக்கு என்ன செய்ய வேண்டும் என்று எதிர்ப்பார்க்கிறோனோ அதை நான் பிறருக்கு முதலாவதாக செய்ய முந்திக் கொள்வேன் என்று தீர்மானம் எடுப்போமா? மற்றவர்களை கனம் பண்ணுவதில் முந்திக் கொள்வோம், மற்றவர்களை விசாரிப்பதில் முந்திக்கொள்வோம். அதனால் நம் வாழ்வில் ஆனந்தம் நிச்சயம் பெருகும். மன உளைச்சல் போய் மன நிறைவும், மகிழ்ச்சியும் பெருகும். 'மனுஷர் உங்களுக்கு எவைகளைச்செய்ய விரும்புகிறீர்களோ, அவைகளை நீங்களும் அவர்களுக்குச் செய்யுங்கள்' என்று இயேசுகிறிஸ்து சொன்ன வார்த்தைகளுக்கு கீழ்ப்படிந்து, அப்படியே செய்வோம். அதினால் கர்த்தர் மகிழுவார். நம்மை ஆசீர்வதிப்பார். ஆமென் அல்லேலூயா! (Anudhina Manna, A Free Daily Devotional)

நிச்சயமான பலன்

.
உன் ஆகாரத்தைத் தண்ணீர்கள்மேல் போடு; அநேக நாட்களுக்குப் பின்பு அதின் பலனைக் காண்பாய். - (பிரசங்கி 11:1).
.
சாலமோன் ராஜா இந்த வசனத்தை விதைக்கும் காலத்தில் நதியில் வெள்ளம் பெருக்கெடுத்து வந்தபோது எழுதப்பட்டதாக கூறப்படுகிறது. அநேக விவசாய நிலங்கள் நைல் நதிக்கு அருகாமையில் இருந்தது. அந்த நதியிலிருந்து தண்ணீர் எடுக்கப்பட்டு விவசாயத்திற்கு பயன்படுத்தப்பட்டது. ஆனால் விதைக்கும் காலத்தில் வெள்ளம் வரும்போது ஆயிரக்கணக்கான விவசாய நிலங்கள் தண்ணீரில் மூழ்கிவிடும். அப்போது விவசாயிகள் என்ன செய்வார்கள்? அடுத்த வருடம் நல்ல நேரம் வரும்வரைக்கும் அப்படியே விட்டுவிடுவோம் என்று சும்மா இருந்தால் அவர்கள் சாப்பாட்டுக்கு என்ன செய்வார்கள்? அப்போது அவர்கள் வெள்ளம் கரையேறியபிறகு, அந்த தண்ணீர்களின் மேல் விதையை தூவி விடுவார்கள். எப்படியாவது அந்த விதை தண்ணீர் வற்றியபிறகு மண்ணில் போய் பதிந்து துளிர் விடும் என்பது அவர்களுடைய நம்பிக்கை. அவர்களுடைய நம்பிக்கையின்படியே, தண்ணீரெல்லாம் வற்றிய பிறகு, அந்த விதை நிலத்தில் எங்காவது விழுந்து, முளைத்தெழும்பி நெற்பயிராக எழும்பும். இதை பார்த்திருந்த சாலமோன் ஞானி இந்த கருத்தை இந்த வசனத்தில் எழுதியிருக்கிறார்.
.
நாம் செய்கிற காரியங்களுக்கும், ஊழியங்களுக்கும் ஒருவேளை உடனடியாக பதில் வராமலிருக்கலாம். உடனே பதில் கிடைக்க்காததால், நாம் எதிர்ப்பார்க்கிறபடி நடக்காததால், நம்மில் அநேகர், நாம் செய்கிற காரியங்ளை அப்படியே பாதியில் விட்டு விடுகிறோம். அதெல்லாம் ரொம்ப கஷ்டம் என்று மனம் சோர்ந்து போய் விடுகிறோம்.
.
நன்மை செய்கிறதில் சோர்ந்துபோகாமல் இருப்போமாக; நாம் தளர்ந்து போகாதிருந்தால் ஏற்றகாலத்தில் அறுப்போம் (கலாத்தியர் 6:9) என வேதம் நம்மை தேற்றுகிறது. நாம் சோர்ந்து போகாமல், தொடர்ந்து நன்மை செய்வோமானால், நிச்சயமாக மிகப்பெரிய அறுவடையை நாம் அறுப்போம்.
.
சில இடங்களில் கர்த்தருடைய வார்த்தைகளை எத்தனையோ தடவை சொல்லியும் ஒரு பலனையும் காணாமல் போனதினால் சோர்ந்து போயிருக்கிறீர்களா? சோர்ந்து போகாமல் தொடர்ந்து செய்யுங்கள். கர்த்தர் ஒரு நாள் அதன் பலனை நீங்கள் காணும்படி செய்வார்.
.
சில நேரங்களில், நாம் போய் வசனத்தை விதைத்தவுடனே அதை ஏற்று கொள்வார்கள். ஏனென்றால், நமக்கு முன்னே சென்றவர்கள் அந்த நிலத்தில் விதைத்து, அந்த நிலத்தை ஏற்ற நிலமாக மாற்றியிருந்தபடியால், நாம் விதைத்தவுடனே அவர்கள் அதை ஏற்றுக் கொள்கிறார்கள். ஆகையால் நாம் இப்போது விதைத்து உடனே பதில் வரவில்லை என்றால் அதற்காக சோர்ந்து போகாமல், தொடர்ந்து விதைப்போம். அநேக நாட்களுக்கு பின் அதன் பலனை காண்போம்.
.
உங்கள் வீட்டில் ஒரு நன்மையும் காணாமல், சோர்ந்து போயிருக்கிறீர்களா? எத்தனை நாள் ஜெபித்தும் கர்த்தர் என் வீட்டின் நிலைமையை மாற்றவில்லை என்று சோர்ந்து போனீர்களா? தளர்ந்து போகாமல் சோர்ந்து போகாமல், ஜெபிப்போமானால், கர்த்தர் நிச்சயமாகவே உங்கள் நிலைமையை மாற்றுவார். நிச்சயமாகவே முடிவு உண்டு; உன் நம்பிக்கை வீண்போகாது (நீதிமொழிகள் 23:18) என்று சொன்னவர், நிச்சயமாகவே உங்கள் பிரச்சனைக்கு ஒரு முடிவு கொண்டு வருவார்;. உங்கள் நம்பிக்கை ஒருபோதும் வீணாக போவதில்லை. ‘அவர்கள் அவரை நோக்கிப்பார்த்துப் பிரகாசமடைந்தார்கள்; அவர்கள் முகங்கள் வெட்கப்படவில்லை. இந்த ஏழை கூப்பிட்டான், கர்த்தர் கேட்டு, அவனை அவன் இடுக்கண்களுக்கெல்லாம் நீங்கலாக்கி இரட்சித்தார்' என்று வேத வசனம் கூறுகிறதல்லவா? காலங்கள் கடந்தாலும், கர்த்தருடைய கிருபைகள் மாறுவதில்லை, கர்த்தர் மாறுவதில்லை. அவர் வாக்குததத்தங்களும் மாறுவதில்லை. ஆகவே சோர்ந்து போகாதிருங்கள். உங்கள் நம்பிக்கையை விட்டு விடாதிருங்கள். அந்த விவசாயிகளின் நம்பிக்கை வீணாய் போகாமல், அந்த விதை அநேக நாட்களுக்கு பிறகு முளைத்தெழும்பி பலன் கொடுத்தது போல, உங்கள் நம்பிக்கை ஒருபோதும் வீணாய் போவதில்லை. உங்கள் முகம் பிரகாசமடையும்படி கர்த்தர் உங்கள் ஜெபங்களுக்கு பதில்கொடுப்பார். ஆமென் அல்லேலூயா!
(Anudhina Manna, A Free Daily Devotional)

தேவன் நமது பட்சம்

.
தேவன் நம்முடைய பட்சத்திலிருந்தால் நமக்கு விரோதமாயிருப்பவன் யார்?. - ( ரோமர் 8:31).
.
ஒரு கிறிஸ்தவ வாலிபன், புதிதாக ஒரு கம்பெனியில் இரவு வேலையில், ஒரு வேதாகம கல்லூரியில் சேர்ந்து படிக்க வேண்டும் என்று அவாவுடன், அந்த கம்பெனியில் சேர்ந்தான். அங்கு அவனோடு இருந்த மற்றவர்கள், அவனிடம் மிகவும் மோசமாக நடந்து கொண்டார்கள். அவன் கிறிஸ்தவனாக இருந்தபடியால், அவனை எள்ளி நகையாடி, அவனை அவமானப்படுத்தி கொண்டிருந்தனர். ஓவ்வொரு இடைவேளை நேரம் வரும்போதும் அவனை அப்படி துன்பப்படுத்திகொண்டிருந்தனர்.
.
ஒரு நாள் இரவு மிகவும் அவனை கலாட்டா பண்ணி, அவனை பரியாசம் செய்து, இயேசுகிறிஸ்துவை பற்றியும் ஏதோதோ சொல்லி வம்புக்கிழுத்தனர். அப்போது அவன் மிகவும் மனம் நொந்து சே, போ! இந்த வேலையும் வேண்டாம், ஒன்றும் வேண்டாம் என்று தீர்மானித்து இருக்கையில், ஒரு வயதான மனிதர், 'போதும் அவனை வம்புக்கிழுத்தது, அவரவர் உங்கள் வேலைகளை பாருங்கள்' என்று சத்தமிட்டார். உடனே மற்றவர்கள் அவனை விட்டு பின்வாங்கி, தங்கள் வேலைகளுக்கு திரும்பினார்கள். பின்னர் அந்த வயதான மனிதர் அந்த வாலிபனிடம் சொன்னார், 'நீ மிகவும் துன்ப நேரத்தில் இருப்பதை பார்த்தேன். நான் உன்னுடன் உன் பக்கத்தில் இருக்கிறேன் என்பதை நீ அறியவே நான் அப்படி மற்றவர்களிடம் சொன்னேன்' என்று கூறினார்.
.
ஒருவேளை நீங்கள் வேலை செய்யும் இடத்தில் கிறிஸ்துவை அறியாத மற்றவர்கள் மத்தியில் நீங்கள் மாத்திரம் தனியாக இருக்கலாம். மற்றவர்கள் உங்களை கிண்டல் கேலி செய்யலாம். அவர்கள் அநேகராயிருப்பதால் அவர்கள் ஜெயிப்பார்கள் என்று நீங்கள் நினைக்க வேண்டாம். உங்களோடு துணையாக இருக்க வேறு ஒரு விசுவாசியை உங்களுக்கு தேவன் அனுப்பபுவார். அப்படி அனுப்பாவிட்டாலும், தேவனே உங்கள் பக்கத்தில் இருக்கிறார் என்பதை நீங்கள் ஒரு நாளும் மறக்ககூடாது. மட்டுமல்ல அவருடைய தூத சேனைகளும் உங்களோடு இருக்கிறார்கள் என்பதை நீங்கள் மறக்ககூடாது.
.
ஒரு முறை தேவ மனுஷனாகிய எலிசாவுக்கு விரோதமாக சீரியா ராஜா கோபங்கொண்டு அவரை கொல்லுவதற்கு 'அவன் அங்கே குதிரைகளையும் இரதங்களையும் பலத்த இராணுவத்தையும் அனுப்பினான்; அவர்கள் இராக்காலத்திலே வந்து பட்டணத்தை வளைந்துகொண்டார்கள். தேவனுடைய மனுஷனின் வேலைக்காரன் அதிகாலமே எழுந்து வெளியே புறப்படுகையில், இதோ, இராணுவமும் குதிரைகளும் இரதங்களும் பட்டணத்தைச் சுற்றிக்கொண்டிருக்கக் கண்டான்; அப்பொழுது வேலைக்காரன் அவனை நோக்கி: ஐயோ, என் ஆண்டவனே, என்னசெய்வோம் என்றான். அதற்கு அவன்: பயப்படாதே; அவர்களோடிருக்கிறவர்களைப்பார்க்கிலும் நம்மோடிருக்கிறவர்கள் அதிகம் என்றான். அப்பொழுது எலிசா விண்ணப்பம்பண்ணி: கர்த்தாவே, இவன் பார்க்கும்படி இவன் கண்களைத் திறந்தருளும் என்றான்; உடனே கர்த்தர் அந்த வேலைக்காரன் கண்களைத் திறந்தார்; இதோ, எலிசாவைச்சுற்றிலும் அக்கினிமயமான குதிரைகளாலும் இரதங்களாலும் அந்த மலை நிறைந்திருக்கிறதை அவன் கண்டான்' (2 இராஜாக்கள் 6:14-17) என்று பார்க்கிறோம். தேவன் தம்முடைய பிள்ளைகளுக்காக யுத்தம் செய்வதற்கு தம்முடைய தூத சேனைகளையே அனுப்பி அவர்களை விடுவிக்கிறார்.
.
நாம் இரட்சிக்கப்பட வேண்டும் என்பதற்காக தம்முடைய சொந்த குமாரனையே நமக்காக அனுப்பினவர், உங்களை தனியாக இருக்க விட்டுவிடுவாரா? ஒருபோதும் இல்லை! மனம் தளராதிருங்கள். நீங்கள் தனியே இல்லை. ஒரு முறை எலியா தீர்க்கதிரிசியும் அப்படிதான் சொன்னார், 'அதற்கு அவன்: சேனைகளின் தேவனாகிய கர்த்தருக்காக வெகு பக்திவைராக்கியமாயிருந்தேன்; இஸ்ரவேல் புத்திரர் உமது உடன்படிக்கையைத் தள்ளிவிட்டார்கள்; உம்முடைய பலிபீடங்களை இடித்து, உம்முடைய தீர்க்கதரிசிகளைப் பட்டயத்தினால் கொன்றுபோட்டார்கள், நான் ஒருவன்மாத்திரம் மீதியாயிருக்கிறேன்; என் பிராணனையும் வாங்கத் தேடுகிறார்கள் என்றான்' (1 இராஜாக்கள் 19:14). அப்போது தேவன் அவருக்கு சொன்னது, 'ஆனாலும் பாகாலுக்கு முடங்காதிருக்கிற முழங்கால்களையும், அவனை முத்தஞ்செய்யாதிருக்கிற வாய்களையுமுடைய ஏழாயிரம்பேரை இஸ்ரவேலிலே மீதியாக வைத்திருக்கிறேன்' என்றார். - (1 இராஜாக்கள் 19:18). எலியா தீர்க்கதரிசி நினைத்தார், தான் மாத்திரம் தனியாக இருப்பதாக, தேவன் அவருக்கு வெளிப்படுத்தினார், 'நீ மாத்திரம் தனியாக இல்லையப்பா, இன்னும் ஏழாயிரம் பேர் உன்னோடு துணைக்கு இருக்கிறார்கள்' என்று அவரை தைரியப்படுத்தினார்.
.
அன்பு சகோதரனே சகோதரியே, நீங்கள் கிறிஸ்துவை உங்கள் சொந்த இரட்சகராக ஏற்று கொண்டபின் ஒரு நாளும் நீங்கள் தனியாக இல்லை என்பதை அறிந்து கொள்ளுங்கள். 'இதோ, உலகத்தின் முடிவுபரியந்தம் சகல நாட்களிலும் நான் உங்களுடனேகூட இருக்கிறேன்' என்று கூறிய இயேசுகிறிஸ்து நம்மோடு கூட எனறும் இருக்கிறார். மட்டுமல்ல, உங்களோடு தேவனும், பரலோகத்தின் முழு சேனையும் இருக்கிறார்கள் என்பதை எப்போதும் மனதில் கொள்ளுங்கள். நான் தனியாள், எனக்கு என்று யார் இருக்கிறார்கள் என்று ஒருபோதும் அதைரியப்படாதீர்கள். நீங்கள் வானத்தையும் பூமியையும் அண்ட சராசரத்தையும் படைத்த சர்வவல்லமையுள்ள தேவனின் பிள்ளை என்பதை ஒரு போதும் மறக்காதீர்கள். தேவன் நம்முடைய பட்சத்திலிருந்தால் நமக்கு விரோதமாயிருப்பவன் யார்? ஆமென் அல்லேலூயா!
(Anudhina Manna, A Free Daily Devotional)

கர்த்தர் மேல் பாரத்தை வைத்துவிடு

.
அவர் உங்களை விசாரிக்கிறவரானபடியால், உங்கள் கவலைகளையெல்லாம் அவர்மேல் வைத்துவிடுங்கள். - (1பேதுரு 5:7) .

.
பிரியமானவர்களே, நமக்குக்கூட நம் கவலைகளையும், பிரச்சனைகளையும், போராட்டங்களையும் வைத்துவிடும்படி ஒரு மரம் கொடுக்கப்பட்டிருக்கிறது. அதுதான் சிலுவை மரம். வசனம் சொல்லுகிறது, 'அவர் உங்களை விசாரிக்கிறவரானபடியால், உங்கள் கவலைகளையெல்லாம் அவர்மேல் வைத்துவிடுங்கள்' என்று. அப்படி கிறிஸ்துவின் மேல் நம் கவலைகளை வைத்துவிட்டால், நாம் கலங்கிக் கொண்டும், அழுதுக்கொண்டும் இருக்க தேவையில்லை. ஏனெனில் நம்மை விசாரிக்கிற தேவன் ஒருவர் உண்டு.
.
சிலருக்கு கவலைப்படுவதிலும், சோர்வுக்குரிய காரியங்களையும், நடந்து முடிந்த சோகமான நிகழ்ச்சிகளையும் திரும்ப திரும்ப யோசித்து, அதையே நினைத்து வருத்தப்பட்டு தங்கள் காலத்தை கழிக்கிறார்கள். சரி, நடந்தது நடந்து விட்டது, அதையே யோசித்து என்னப்பயன் என்று நினைப்பதில்லை. அணை உடைந்தப்பின் கடந்து சென்ற வெள்ளம் என்ன செய்தாலும் திரும்ப வராது, உடைந்த கண்ணாடியை திரும்ப ஒட்ட வைக்க முடியாது. ஆனால் உடைந்த கண்ணாடியையே கையில் வைத்துக் கொண்டு, எப்படியாவது ஒட்ட வைக்க வேண்டும் என்று வாழ்க்கை முழுக்க பிரயத்தனம் செய்தாலும் அது முடியுமா? ஒருக்காலும் முடியாது. ஆனால் அதற்காக கவலைப்படுவதினால் என்ன பயன்?
.
சிலருடைய வாழ்வில் எத்தனையோ பெரிய இடர்களும் பிரச்சனைகளும், தவறி தவறு செய்து வருந்திய காலங்களும் உண்டு. ஆனால் அதையே திரும்ப திரும்ப யோசித்து, வருத்தப்பட்டும் கவலைப்பட்டும் என்ன பிரயோஜனம்! நானும் ஒரு காரியத்தில் ஈடுபட்டு, அது தவறாக கருதப்பட்டு, அதனால், அதையே நினைத்து நினைத்து வருந்தி, கவலைப்பட்டு, மனம் உடைந்துப் போனேன். ஒரு நாள் கர்த்தருடைய சமுகத்தில் அதை வைத்து கதறி அழுது, 'ஆண்டவரே இந்த காரியத்தால் உம்முடைய பிரசன்னத்தை இழந்து தவிக்கிறேன். மனம் அமைதியின்றி தவிக்கிறது. இதற்கு ஒரு முடிவை தாரும்' என்று கதறி அவருடைய பாதத்தில் இறக்கி வைத்தேன். அன்று கர்த்தர் உலகம் தரக்கூடாத சமாதானத்தால் நிரப்பினார். மீண்டும் அந்த காரியத்தைக் குறித்து நான் நினைக்கவே இல்லை. கர்த்தர் எல்லாவற்றையும் நன்மையாக மாற்றுவார் என்ற விசுவாசத்துடன் அந்த பிரச்சனைக்கு முற்றுப்புள்ளி வைத்தேன்.
.
பிரியமானவர்களே, நம்மையும் மீறி சில காரியங்கள் நடக்கும்போது, நாம் கவலைப்படுவதும், வருத்தப்படுவதும் இயற்கை. ஆனால் அதையே நினதை;து நினைத்து, படுக்கும்போதும், உட்காரும்போதும், நடக்கும்போதும் சிந்தித்து நம்மையே வருத்திக் கொண்டிருப்பது தேவையற்றது. 'அவர் உங்களை விசாரிக்கிறவரானபடியால், உங்கள் கவலைகளையெல்லாம் அவர்மேல் வைத்துவிடுங்கள்' என்ற வசனத்தின்படி நம்முடைய கவலைகளை கிறிஸ்துவின் மேல் வைத்துவிட்டு, நம்முடைய கவலைகளுக்கு ஒரு முற்றுப்புள்ளி வைப்போம். அவர் மற்றதை பொறுப்பெடுத்துக் கொள்வார். ஆமென் அல்லேலூயா! (Anudhina Manna, A Free Daily Devotional)

ஒருவரும் விரும்பாத மனிதன்

.
யோராம் ராஜாவாகிறபோது முப்பத்திரண்டு வயதாயிருந்து, எட்டு வருஷம் எருசலேமில் அரசாண்டு, விரும்புவாரில்லாமல் இறந்துபோனான்; அவனைத் தாவீதின் நகரத்தில் அடக்கம்பண்ணினார்கள்; ஆனாலும் ராஜாக்களின் கல்லறைகளில் அவனை வைக்கவில்லை. - (2 நாளாகமம் 21:20).
.

வேதத்தில் இராஜாவாகிய யோராம் வாழ்ந்தான். அவன் ஆட்சிக்கு வந்தவுடன் தன் சகோதரர் யாவரையும் கொன்று போட்டான். 'யோராம் தன் தகப்பனுடைய ராஜ்யபாரத்திற்கு வந்து தன்னைப் பலப்படுத்திக்கொண்டபின்பு, அவன் தன்னுடைய சகோதரர் எல்லாரையும் இஸ்ரவேலின் பிரபுக்களில் சிலரையும் பட்டயத்தால் கொன்றுபோட்டான்' (2 நாளாகமம் 21:4). மட்டுமல்ல, அவன் யூதாவுடைய மலைகளின்மேல் மேடைகளை உண்டாக்கி, எருசலேமின் குடிகளைச் சோரம்போகப்பண்ணி, யூதாவையும் அதற்கு ஏவிவிட்டான். உண்மையான தேவனை விட்டு வழிவிலக செய்து, பாகால்களை வணங்கும்படி செய்தான். அவன் அரசாண்ட வருஷங்கள் மிகவும் மோசமானதாக, துன்பம் நிறைந்ததாக இருந்ததுடன், அவனுக்கு உண்டான நோயினால் அவன் குடல்கள் சரிந்து கொடிய வியாதியினால் செத்துப்போனான்.
.
என்ன ஒரு பரிதாபமான நிலைமை! அதைவிட பரிதாபம், அவன் ராஜாவாகிறபோது முப்பத்திரண்டு வயதாயிருந்து, எட்டு வருஷம் எருசலேமில் அரசாண்டு, விரும்புவாரில்லாமல் இறந்துபோனான் என்று வேதம் கூறுகிறது. அவனை விரும்புவாரில்லாமல், தனிமையாக, மிகுந்த வேதனையோடு மரித்தான். ஏன் இந்த நிலைமை? அவன் கர்த்தரின் பார்வைக்குப் பொல்லாப்பானதைச் செய்தான் என்று வேதம் கூறுகிறது. அவன் தன்னையே முக்கியப்படுத்தி, தேவனுடைய கற்பனைகளை மீறி நடந்து, தான்தான் இராஜா என்று தேவனையும் மனிதரையும் மதியாதாபடி வாழ்ந்தபடியால் இந்த சோக முடிவு அவனுக்கு ஏற்பட்டது.
.
நாம் நம் வாழ்வில் கர்த்தரை முதலிடமாக வைத்திருக்கிறோமா? சிலர் கையில் பணம் வந்தவுடன், அவர்களுடைய நடையே மாறிவிடும், பேச்சே மாறிவிடும், மற்றவர்களை மதிக்க மாட்டார்கள். தாங்கள் இந்த உலகத்தையே ஆளுவதாக மனதில் ஒரு பெருமை வந்துவிடும். நாம் மரிக்கும்போது நம்மை குறித்து நன்மையான காரியங்களை கூறும்படி நாம் வாழ்க்கை வாழ்கிறோமா? இல்லாவிட்டால், அப்பாடா, போனான், உலகத்திற்கே பாரமாக இருந்தான். போனது நல்லது என்று கூறும்படி வாழ்கிறோமா?
.
நாம் வாழும்போது, கர்த்தருக்கு பிரியமான, மற்றவர்களுக்கு பிரயோஜனமான ஒரு வாழ்க்கையை வாழும்போது, நாம் மரிக்கும்போது மற்றவர்களால் ஐயோ இவர்கள் போய் விட்டார்களே, என்று கண்ணீர் விடும் நிலைமை ஏற்படும்.
.
ஒருவர் மரிக்கும்போதுதான் அவர்களுடைய உண்மையான வாழ்வு மற்றவர்களுக்கு தெரியும். என்கூட வேலை செய்யும் ஒருவர், 'இவர் மரித்தாரே, இவரை குறித்த எனக்கு நினைவு வரும்போதெல்லாம் நான் இப்படிப்பட்ட நண்பரை கொடுத்தாரே என்று கடவுளை துதிக்கிறேன். ஆனால் மற்ற மனிதரை பார்க்கும்போது, ஏன் இந்த மனிதர் இன்னும் உலகத்தில் இருக்கிறார் என்று நினைக்கிறேன்' என்று கூறினார். நாம் வாழ்வது ஒருமுறைதான். அந்த வாழ்க்கையை தேவனுக்கு பிரியமுள்ளதாக வாழ்வதற்கு முயற்சிப்போம். மற்றவர்கள் கர்த்தரை துதிக்கும் அளவு நம்முடைய வாழ்க்கை இருக்கட்டும். தேவனே அவரை எடுத்துக் கொள்ளும் என்று முறையிடாதபடி நம் வாழ்க்கை அமையட்டும்.
(Anudhina Manna, A Free Daily Devotional)

அற்புதர் இயேசுவே அற்புதர் இயேசுவே

.
இவ்விதமாக இயேசு இந்த முதலாம் அற்புதத்தைக் கலிலேயாவிலுள்ள கானா ஊரிலே செய்து, தம்முடைய மகிமையை வெளிப்படுத்தினார்; அவருடைய சீஷர்கள் அவரிடத்தில் விசுவாசம் வைத்தார்கள். -(யோவான் 2:11).
.
நம் தேசத்தில் தேவனின் அற்புதத்தை கண்டு கர்த்தரை ஏற்றுக் கொள்கிறவர்கள் அநேகர் இருந்தாலும், அற்புதத்திற்காக மாத்திரம் அவர்கள் கர்த்தரண்டை வருகின்றவர்களாக இருந்தால் அது பரிதாபமானது. உடல் சுகம், உலகப்பிரகாரமான தேவைகள் இவை எல்லாவற்றையும்விட அவர்களின் ஆத்தும இரட்சிப்பு மிகவும் விலையேறப்பெற்றது. அவர்களின் ஆத்துமாவிற்கு விலையே இல்லை.
.
இயேசுகிறிஸ்து அற்புதர்தான். அற்புதங்களை செய்பவர்தான். ஆனால் 'அவர் இத்தனை அற்புதங்களை அவர்களுக்கு முன்பாகச் செய்திருந்தும், அவர்கள் அவரை விசுவாசிக்கவில்லை' (யோவான் 12:37) என்று வாசிக்கிறோம். அப்படி தேவனின் அற்புதங்களை கண்டும், பெற்றும் கர்த்தரை விசுவாசிக்கவில்லை என்றால், அவர்கள் பெற்றுக் கொண்ட அற்புதம் வீணாகவே இருக்குமல்லவா?
.
பவுல் அப்போஸ்தலன் 'கர்த்தராகிய தம்மை அவர்கள் தடவியாகிலும் கண்டுபிடிக்கத்தக்கதாகத் தம்மைத் தேடும்படிக்கு அப்படிச் செய்தார்; அவர் நம்மில் ஒருவருக்கும் தூரமானவரல்லவே' (அப்போஸ்தலர் 17:27) என்று சொல்வதுப்போல கர்த்தரை தடவிப்பார்த்தாகிலும் அவரை அறியாதவர்கள் அறிந்து கொள்ளவேண்டும் என்று நாம் ஜெபிக்கும்போதும், அற்புதம் அடையாளங்கள் மூலம் அவர்களை சந்தியும் என்று நாம் ஜெபிக்கும்போதும், கர்த்தர் ஜனங்களை சந்திக்கிறார். ஆனால் அற்புதங்களை பெற்றுக் கொண்ட ஒவ்வொருவரும் கர்த்தரை தங்கள் சொந்த இரட்சகராக ஏற்று அவருக்காக ஜீவிக்கிறார்களா என்றால் அது கேள்விக்குறியானதே!
.
நாம் கர்த்தரை அறியாத ஜனங்களுக்காக ஜெபிக்கும்போது, 'அற்புதங்களை பெற்றுக் கொண்டவர்கள் உம்மை ஏற்றுக் கொண்டு, உமக்காக ஜீவிக்க வேண்டுமே' என்று அதற்காகவும் ஜெபிக்க வேண்டும்.
'கர்த்தர் எகிப்தியரில் செய்த அந்த மகத்தான கிரியையை இஸ்ரவேலர் கண்டார்கள்; அப்பொழுது ஜனங்கள் கர்த்தருக்குப் பயந்து, கர்த்தரிடத்திலும் அவருடைய ஊழியக்காரனாகிய மோசேயினிடத்திலும் விசுவாசம் வைத்தார்கள்' (யாத்திராகமம் 14:31). இந்த வசனத்தில், கர்த்தரின் ஜனங்கள் தேவன் செய்த மகத்தான கிரியைகளை கண்டு, கர்த்தருக்கு பயந்து அவரிடத்தில் விசுவாசம் வைத்தார்கள் என்றுப் பார்க்கிறோம். அதுப்போல 'இவ்விதமாக இயேசு இந்த முதலாம் அற்புதத்தைக் கலிலேயாவிலுள்ள கானா ஊரிலே செய்து, தம்முடைய மகிமையை வெளிப்படுத்தினார்; அவருடைய சீஷர்கள் அவரிடத்தில் விசுவாசம் வைத்தார்கள்' என்றுப் பார்க்கிறோம். ஆம், கர்த்தரால் தெரிந்து கொள்ளப்பட்டவர்களும், அவருடைய மகிமையை கண்டவர்களுமாகிய சீஷர்கள் அவரிடத்தில் விசுவாசம் வைத்தார்கள். கர்த்தருடைய ஜனங்களிடத்தில் அற்புதங்கள் நடக்கும்போது, அவர்கள் இன்னும் அதிகமாய் கர்த்தரைப் பற்றிக் கொண்டு, அவருக்கு நன்றி செலுத்தி வாழ்வார்கள்.
.
பிரியமானவர்களே, உங்களுடைய வாழ்வில் கர்த்தரின் அற்புதத்தை எதிர்ப்பார்த்து காத்திருக்கிறீர்களா? நம் தேவன் அற்புதர், பெரிய அற்புதங்களை செய்கிறவர். நம் ஒவ்வொருவரின் வாழ்விலும் அற்புதங்களை செய்ய வல்லவர். நம் தேவைகளை அதிசயமாய் சந்திக்க வல்லவர். அப்படிப்பட்ட தேவன் அதிசயமாய், அற்புதமாய் நம் தேவைகளை சந்திக்கும்போது, அவர் செய்த அற்புதத்தை மறவாமல், அவருக்கு நன்றியாக ஜீவிப்போமாக! மற்றவர்களுக்கும் சாட்சியாக அறிவிப்போமாக! அதன் மூலம் அநேகர் கர்த்தரிடத்தில் விசுவாசம் வைத்து இரட்சிப்பிற்குள் வர காரணமாயிருப்போம். அற்புதத்தின் தேவன் இந்த நாளில் தானே நமக்கு அற்புதத்தை செய்து நம் தேவைகளை சந்திப்பாராக! ஆமென் அல்லேலூயா!(Anudhina Manna, A Free Daily Devotional)

தாழ்மையில் தேவனின் கிருபை

.
உங்களுக்குள்ளே அப்படி இருக்கலாகாது; உங்களில் எவனாகிலும் பெரியவனாயிருக்க விரும்பினால், அவன் உங்களுக்குப் பணிவிடைக்காரனாயிருக்கக்கடவன். உங்களில் எவனாகிலும் முதன்மையானவனாயிருக்க விரும்பினால், அவன் உங்களுக்கு ஊழியக்காரனாயிருக்கக்கடவன். - (மத்தேயு 20: 26,27).
.
அன்று ஒரு நாள் மேல் வீட்டறையில், இயேசுகிறிஸ்து தன் வஸ்திரங்களைக் கழற்றிவைத்து, ஒரு சீலையை எடுத்து, அரையிலே கட்டிக்கொண்டு, பின்பு பாத்திரத்தில் தண்ணீர் வார்த்து, சீஷருடைய கால்களைக் கழுவவும், தாம் கட்டிக்கொண்டிருந்த சீலையினால் துடைக்கவும் தொடங்கினபோது அதை பார்த்து கொண்டிருந்த சீஷர்களுக்கு எப்படி இருந்திருக்கும்! அவர்கள் அவரை ராஜாவாக, தங்கள் குருவாக, ஆண்டவராக, போதகராக ஏற்றிருந்தபோது அவரே தங்களது கால்களை கழுவுகிறரரே என்று நெருடல் அடைந்திருந்தாலும் அவர்களால் ஒன்றும் பேச முடியவில்லை. அவர்கள் எதிர்பாராத காரியத்தை கிறிஸ்து செய்து கொண்டிருந்தார். அவர்கள் அதிர்ச்சியில் அமர்ந்திருந்தார்கள். கடைசியில் பேதுரு மாத்திரம் துணிவுடன், ‘ஆண்டவரே, நீர் என் கால்களைக் கழுவலாமா’ என்று கேட்டபோது, இயேசுகிறிஸ்து ‘ஆண்டவரும் போதகருமாகிய நானே உங்கள் கால்களைக் கழுவினதுண்டானால், நீங்களும் ஒருவருடைய கால்களை ஒருவர் கழுவக்கடவீர்கள். நான் உங்களுக்குச் செய்ததுபோல நீங்களும் செய்யும்படி உங்களுக்கு மாதிரியைக் காண்பித்தேன்’. (யோவான் 13:4-15) என விளக்கினார்.
.
இன்று கிறிஸ்தவர்கள் என்று சொல்லுகிற நமக்குள் தாழ்மை இருக்கிறதா? நாம் தேவனாக வணங்குகிற இயேசுகிறிஸ்துவே கால்களை கழுவினதுண்டானதால், நாம் எவ்வளவு தாழ்மையாய் இருக்க வேண்டும்? அவருடைய மாதிரியை பின்பற்றுகிறோமா? மற்றவர்களுடைய கால்களை கழுவாவிட்டாலும், மற்றவர்களை உதாசீனமாக எண்ணுவதாவது குறைந்திருக்கிறதா? இன்று அந்த தாழ்மைக்கும் நமக்கும் எவ்வளவு தூரமாகி விட்டது! கொஞ்சம் கையில் பணம் கிடைத்து விட்டால், மற்றவர்களை துச்சமாக எண்ணுகிற மனம், (ஏதோ அந்த பணம் என்றென்றும் நிலைத்திருக்கிற மாதிரி) வேலையில் சற்று உயர்த்தப்படடால், மற்றவர்கள் எனக்கு கீழ் என்கிற மாதிரியான நடவடிக்கைகள், அது வேலையிடத்தில் மாத்திரம் அல்ல, சக விசுவாசிகளிடமும் காட்டுவது எந்த விதத்தில் நியாயம்? கிறிஸ்துவின் போதகத்திற்கு மாறாக நடக்கிறதல்லவா?
.
ஊழியத்திலும் நான்தான் பெரியவன், உனக்கு அந்த தாலந்து இல்லை, ஆகவே நான் உன்னைவிட பெரியவன் என்று மற்றவர்களை மட்டமாக எண்ணும் நினைவுகள், அவன் என்ன சின்ன ஊழியக்காரன் நான் பெரியவன், எனக்கு இருக்கிற அந்தஸ்து என்ன, புகழ் என்ன என்கிற பெருமையான எண்ணங்கள், மட்டுமல்ல, அதற்கேற்ப நடவடிக்கைகள்! அவை கர்த்தருடைய சீஷன் என்பதை விட பரலோகத்திலிருந்து பெருமையினிமித்தம் கீழே தள்ளப்படட லூசிபரின் எண்ணங்கள் அல்லவா நிறைந்து காணப்படுகிறது!
.
ஒருமுறை சாது சுந்தர் சிங் இங்கிலாந்தில் பயணம் செய்து கொண்டிருந்தபோது, ஒரு சகோதரி, ‘உமக்கென்ன, நீர் கிறிஸ்துவை ஏற்றுக்கொண்ட பின், உமக்கு என்ன வரவேற்பு, என்ன புகழ்!’ என்று அவரிடம் கூறினார்கள். அப்போது அவர் சொன்னார், ‘இயேசுகிறிஸ்து ஏறி சென்ற கழுதையாகவே நான் என்னை நினைக்கிறேன். அன்று கிறிஸ்துவை சுமந்த கழுதை, தனக்குதான் மக்கள் வரவேற்பளிக்கிறார்கள். தனக்குதான் மகிமை செலுத்துகிறார்கள் என்று நினைத்திருந்தால் அது எத்தனை முட்டாள்தனமோ அதுப் போலத்தான், இப்போது கிடைக்கிற புகழ் எல்லாம் எனக்குத்தான் என்று நான் நினைத்தால் நானும் ஒரு முட்டாளாகத்தான் இருப்பேன். கிறிஸ்துவை நான் சுமப்பதால்தான் எனக்கு இந்த புகழ் எல்லாம், கிறிஸ்து எனக்குள் இல்லாவிட்டால், நான் வெறும் கழுதைதான்’ என்று கூறினாராம்! என்ன ஒரு தாழ்மை பாருங்கள்! அப்படிப்பட்ட தாழ்மையுள்ள பாத்திரங்களையே கர்த்தர் இந்நாளில் தேடுகிறார், பணம், பதவி பொருள், வந்தாலும் மாறிப்போகாத, அகந்தை கொள்ளாத இருதயத்தையே தேவன் தேடுகிறார். அவர் அதிகமான கிருபையை அளிக்கிறாரே. ஆதலால் தேவன் பெருமையுள்ளவர்களுக்கு எதிர்த்து நிற்கிறார், தாழ்மையுள்ளவர்களுக்கோ கிருபை அளிக்கிறாரென்று சொல்லியிருக்கிறது (யாக்கோபு 4:6). பெருமையுள்ளவர்களுக்கு எதிர்த்து நிற்கிற தேவன், ஆனால் தாழ்மையுள்ளவர்களுக்கு எத்தனை கிருபைகளை கொடுக்கிறார் பாருங்கள்! அழிவுக்கு முன்னானது அகந்தை என்று வேதம் நம்மை எச்சரிக்கிறது. நமது குலத்தை பற்றியோ, நமது அந்தஸ்தை பற்றியோ, நமது ஊழியங்களை குறித்தோ நாம் பெருமை கொள்ளக்கூடாது, எல்லாமே கர்த்தர் கொடுத்தது. அவர் நமக்கு கொடுக்க கொடுக்க, நாம் இன்னும் நம்மை தாழ்த்தும்போது, இன்னும் அதிகமாய் அவர் நமக்கு கொடுக்கிறார், உயர்த்துகிறார். ஆனால் நமக்கு கொடுக்கப்பட்ட கிருபைகளில், நம்மையே உயர்த்தும்போது கர்த்தர் நம்மை விட்டு அகன்று போகிறார். ஆனால் அதை அறியாமல் நாம் இன்னும் கர்த்தர் நம்மோடு இருக்கிறார் என்று நினைத்து கொண்டிருக்கிறோம்.
.
உங்களுக்குள்ளே அப்படி இருக்கலாகாது; உங்களில் எவனாகிலும் பெரியவனாயிருக்க விரும்பினால், அவன் உங்களுக்குப் பணிவிடைக்காரனாயிருக்கக்கடவன். உங்களில் எவனாகிலும் முதன்மையானவனாயிருக்க விரும்பினால், அவன் உங்களுக்கு ஊழியக்காரனாயிருக்கக்கடவன் என்ற கர்த்தருடைய வார்த்தையை நிறைவேற்றுவோம். கர்த்தர் நம்மை ஆசீர்வதிப்பார். ஆமென் அல்லேலூயா!
(Anudhina Manna, A Free Daily Devotional)

நீதிமானின் முடிவு

.
'நீதிமான் மரிப்பதுபோல் நான் மரிப்பேனாக, என் முடிவு அவன் முடிவுபோல் இருப்பதாக' - (எண்ணாகமம் 23:10).
.
பிரியமானவர்களே நம் ஒவ்வொருவருக்கும் எல்லாரையும் போல ஒருவாழ்க்கை கொடுக்கப்பட்டிருக்கிறது. அந்த வாழ்க்கையின் முடிவில் நாம் மற்றவர்களால் எப்படி அறியப்படுகிறோம்? சரியான கோபக்காரன் என்றோ, சரியான குடிகாரன் என்றோ, தொல்லைகளை கொடுக்கிறவன் என்றோ எப்படி அறிந்து கொள்ளப்படுவோம்?
.
.
அல்லது மற்றவர்களால், இவரைப் போன்ற நல்ல மனிதரை காண்பது அரிது என்று போற்றப்படுவோமா? நாம் இல்லாமற்போனால் மற்றவர்கள் நம்மை உண்மையாகவே இழந்து தவிப்பார்களா?
.
.
இந்நாட்களில் ஒரு அரசியல் தலைவர் மரித்தவுடன், எங்கள் கட்சி ஒரு மாபெரும் தலைவரை இழந்து விட்டது என்று உடனே அறிக்கை விடுவார்கள். அவர் உயிரோடு இருந்த காலத்தில் அவரைக் கண்டுக் கொள்ளவே மாட்டார்கள். இவையெல்லாம் அரசியலில் சகஜம். அதுப்போன்று நம்மை பெயரளவில் இழந்திருக்கிறோம் என்று சொல்லி, இருதயத்தில் இவன் போனது எத்தனை நல்லது என்று நினைப்பார்களானால்
அது எத்தனை பயங்கரம்!
.
.
'யோராம் ராஜாவாகிறபோது முப்பத்திரண்டு வயதாயிருந்து, எட்டு வருஷம் எருசலேமில் அரசாண்டு, விரும்புவாரில்லாமல் இறந்துபோனான்' (2நாளாகமம் 21:20) என்று ஒரு யூதாவின் இராஜாவைக்குறித்து வேதத்தில் எழுதப்பட்டிருக்கிறது. கர்த்தருடைய வழிகளில் நடவாமல், அவன் தன் விருப்பம் போல ஆட்சி செய்தபடியால், ஒருவரும் விரும்பாத வண்ணம்
அவன் எட்டு ஆண்டுகளே ஆட்சி செய்து, கொடிய நோயால்
மரித்துப்போனான் என்று வேதத்தில் காண்கிறோம்.
.
.
ஆனால் யாக்கோபு மரித்தபோது, 'அப்படியே யோசேப்பு தன் தகப்பனை அடக்கம்பண்ணப் போனான்; பார்வோனுடைய அரமனையிலிருந்த பெரியவர்களாகிய அவனுடைய சகல உத்தியோகஸ்தரும் எகிப்து தேசத்திலுள்ள சகல பெரியோரும், யோசேப்பின் வீட்டார் யாவரும், அவன் சகோதரரும், அவன் தகப்பன் வீட்டாரும் அவனோடேகூடப் போனார்கள்.
தங்கள் குழந்தைகளையும், தங்கள் ஆடுமாடுகளையும்மாத்திரம் கோசேன் நாட்டிலே விட்டுப் போனார்கள். இரதங்களும் குதிரைவீரரும் அவனோடே போனதினால், பரிவாரக்கூட்டம் மிகவும் அதிகமாயிருந்தது. அவர்கள் யோர்தானுக்கு அக்கரையில் இருக்கிற ஆத்தாத்தின் போர்க்களத்தில்
வந்தபோது, அவ்விடத்திலே பெரும் புலம்பலாகப் புலம்பினார்கள். அங்கே தன் தகப்பனுக்காக ஏழுநாள் துக்கங்கொண்டாடினான். ஆத்தாத்தின் களத்திலே துக்கங்கொண்டாடுகிறதை அத்தேசத்தின் குடிகளாகிய
கானானியர் கண்டு: இது எகிப்தியருக்குப் பெரிய துங்கங்கொண்டாடல் என்றார்கள். அதினாலே யோர்தானுக்கு அப்பால் இருக்கிற அந்த ஸ்தலத்திற்கு ஆபேல்மிஸ்ராயீம் என்னும் பேர் உண்டாயிற்று' (ஆதியாகமம் 50:7-11) என்றுப் பார்க்கிறோம். ஆம், யாக்கோபு மரித்தபோது, எகிப்தில்
இருந்த சகல பெரியோரும், குதிரை வீரரும், யாக்கோபுக்காக பெரும் புலம்பலாக புலம்பினார்கள் என்றுப்பார்க்கிறோம். அவருடைய இழப்புஅவர்களை புலம்ப வைத்தது.
.
.
கர்த்தரோடு இருந்தவர்களாக, கர்த்தருக்குள் மரிப்பவர்களுக்கும்,
கர்த்தரில்லாமல் மரிப்பவர்களுக்கும் எத்தனை வித்தியாசம்! 'கர்த்தருடைய பரிசுத்தவான்களின் மரணம் அவர் பார்வைக்கு அருமையானது' (சங்கீதம்116:15) என்று வேதம் கூறுகிறது.
.
.
பிரியமானவர்களே, நம் வாழ்க்கை எப்படி இருக்கிறது? மற்றவர்கள் போற்றும் வகையில் நம் வாழ்க்கை கர்த்தருக்கும் மற்றவர்களுக்கும் பிரயோஜனமுள்ளதாக இருக்கிறதா? அல்லது யாரும் விரும்பாவண்ணம்,மூர்க்கமான, பிரயோஜனமற்ற வாழ்க்கையை வாழ்ந்து கொண்டிருக்கிறோமா? கர்ததருக்குள் மரித்தால், இம்மையிலும் மகிமை, மறுமையிலும் மகிமை! கர்த்தரில்லாமல் மரித்தால், இம்மையிலும் வெறுமை,
மறுமையிலும் வெறுமை! எதை நாம் தெரிந்துக் கொள்ளப் போகிறோம்?
.
.
கர்த்தருக்கு பிரியமுள்ளவர்களாக, சபைக்கும், சமுதாயத்திற்கும்
பிரயோஜனமுள்ளவர்களாக நம் வாழ்க்கை இருக்கும்படியாக கர்த்தர் தாமே நமக்கு உதவி செய்வராக! ஆமென் அல்லேலூயா!
(Anudhina Manna, A Free Daily Devotional)

யார் ஆவிக்குரியவர்கள்?

.
பின்னும் நான் சொல்லுகிறதென்னவென்றால், ஆவிக்கேற்படி நடந்துகொள்ளுங்கள், அப்பொழுது மாம்ச இச்சையை நிறைவேற்றாதிருப்பீர்கள். - (கலாத்தியர் 5:16).
.
யார் ஆவிக்குரிய கிறிஸ்தவன் என்ற கேள்விக்கு ஒவ்வொரு கிறிஸ்தவ வட்டாரத்திலும் வித்தியாசமான கருத்துக்கள் நிலவுகிறது. சில ஐக்கியங்களில் உற்சாகமாய் பாடல்பாடி அல்லேலூயா என்று முழக்கமிடுகிறவர்கள் ஆவிக்குரியவர்கள் என்று எண்ணப்படுகின்றனர். சில வட்டாரங்களில் பிரசங்கியார் வசனம் வாசிக்க சொல்லியவுடன் முதலாவதாக சத்தமாக வாசிப்பவர்களே ஆவிக்குரியவர்களாக கருதப்படுகின்றனர். சில நேரங்களில் நீண்ட ஜெபம் செய்பவர்களே ஆவிக்குரியவர்களாக எண்ணப்படுகின்றனர்.
.
மேற்கண்ட காரியங்கள் ஒரு ஆவிக்குரிய மனிதனின் அடையாளங்களாக இருந்தாலும் வெளிப்படையான இக்காரியங்கள் இருப்பதினால் ஒரு மனிதனை ஆவிக்குரியவன் என்றுசொல்லிவிட முடியாது. ஆவிக்குரிய சபைகளில் பங்கு கொள்வதினால் ஒருவரும் ஆவிக்குரியவர்களாகி விட முடியாது. உண்மையான ஆவிக்குரியவனிடம் சில ஆழ்ந்த விருப்பங்கள் தோன்றி இருக்கும். அவை அவனது முழு வாழ்க்கையிலும் பிரதிபலிக்கும். அவைகளை கீழே காண்போம்.
.
1. ஆவிக்குரிய மனிதன் மகிழ்ச்சியாயிருப்பதை விட பரிசுத்தமாய் இருப்பதையே விரும்புவான். ஆனால் இன்றைய கிறிஸ்தவ வட்டாரம் பரிசுத்தத்தை விட பரவசத்தையே நாடுகிறது. பரவசம் நிலையானது அல்ல, தேவன் பரிசுத்தமாயிருப்பதையே விரும்புகிறார்.
.
2. ஆவிக்குரிய மனிதன் தான் நினைப்பதைக் காட்டிலும் அதிகமான மகிழ்ச்சியை தேவன் தர வல்லவர் என்பதை அறிந்திருக்கிறான். ஆனால் அந்த மகிழ்ச்சியை பெற்றனுபவிக்க தான் பாத்திரமாக இருப்பது அதைவிட அவசியம் என்றும் அறிந்திருப்பான்.
.
3. ஆவிக்குரிய மனிதன் சிலுவை சுமத்தலை பாரமாக நினைக்க மாட்டான். அநேக கிறிஸ்தவர்கள் தங்கள் அன்றாட வாழ்வில் வரும் பாடுகள், வியாதிகளை சிலுவை என்று எண்ணுகின்றனர். கிறிஸ்தவர்கள் அல்லாதவர்களுக்கும் இவைகள் வருகின்றனவே. பின் சிலுவை என்றால் என்ன? இயேசுகிறிஸ்துவின் கட்டளைகளுக்கு கீழ்படிவதால் வரும் கூடுதல் பிரச்சனைகளையே சிலுவை என்று ஆண்டவர் குறிப்பிடுகிறார். இந்த சிலுவையை கர்த்தர் நம்மேல் திணிப்பதில்லை. மாறாக ஒரு ஆவிக்குரியவன் விளைவுகளை அறிந்தும் தானே சுயமாய் எடுத்து செல்வான்.
.
4. ஆவிக்குரிய மனிதன் பிறரது புகழ்ச்சியை விரும்பி நன்மை செய்யாமல் எதை செய்தாலும் அதை கர்த்தருக்கென்று மனப்பூர்வமாய் செய்வான். அவன் நேரத்தையோ, காலத்தையோ மனிதர் தன்னை புகழ வேண்டும் என்றோ பாராமல், கர்த்தருக்கென்று உண்மையாய் தன்னால் இயன்றதை செய்வான்.
.
5. ஆவிக்குரிய கிறிஸ்தவன் மற்றவர் உயர்த்தப்படுவதில் மகிழ்ச்சி அடைகிறான். அவனிடத்தில் பொறாமையில்லை. தான் கவனிக்கப்படாமல் வேறாருவர் கனப்படுத்தப்படும்போது விரக்தியடைய மாட்டான்.
.
6. ஆவிக்குரியவன் மற்றவர்களை தேவன் உபயோகப்படுத்துவதைக் கண்டு முறுமுறுக்காமல் மகிழ்ச்சியடைந்து கர்த்தரை துதிப்பான். தானும் கர்த்தரால் உபயோகப்படுத்தப்பட வேண்டும் என தன்னை அர்ப்பணிப்பான்.
.
7. ஆவிக்குரியவன் பூமியில் இருக்கும் நாட்களிலேயே பரலோக பிரஜையாகி விடுகிறான். உலகம் போற்ற வேண்டும் என்ற நோக்கத்திலே வாழாமல் தேவனுக்கு பிரயோஜனமுள்ள வாழ்வு வாழ பிரயாசப்படுவான்.
.
மேற்கண்டவற்றை ஒரு ஆவிக்குரிய கிறிஸ்தவன் ஏதோ முயற்சி செய்து சுய பெலத்தால் செய்பவை அல்ல. பரிசுத்த ஆவியானவர் அவனுள் நடப்பிக்கும் கிரியையே ஆகும். இந்த உலகத்திற்கு உரிய வேஷத்தை தரிக்காமல் உண்மையான ஆவிக்குரியவர்களாக கர்த்தருக்கென்று வாழ்வோம். கர்த்தர் நம்மை ஆசீர்வதிப்பார்.(Anudhina Manna, A Free Daily Devotional)

உண்மையான வேலை

.
எதைச் செய்தாலும் அதை மனுஷர்களுக்கென்று செய்யாமல் கர்த்தருக்கென்றே மனப்பூர்வமாய்ச் செய்யுங்கள். - (கொலோசேயர் 3:24).

.
குறிப்பிட்ட கம்பெனி ஒன்றில் வேலை பார்க்கும் தொழிலாளர்களுக்கு மிக குறைவான சம்பளமே வழங்கப்பட்டு வந்தது. அதிக சம்பளம் வழங்கினாலும் அதற்கேற்ப நேர்மையாக யாரும் உழைப்பதில்லை எனபது அந்த கம்பெனி முதலாளியின் நியாயம். ஒரு முறை அங்கு சாதாரண சம்பளத்திற்கு வேலைக்கு சேர்ந்த ஒருவன், குறைவான சம்பளத்தை குறித்து கவலைப்படாமல் தன்னுடைய முழு பலத்தையும், உழைப்பையும் பயன்படுத்தி, கடுமையாக வேலை செய்தான். அவனுடைய கடுமையான வேலையை கண்டு பிற தொழிலாளர்கள், 'வீணாக நீ இப்படி கடினமாக உழைக்காதே. நீ எப்படி உழைத்தாலும் இந்த கம்பெனி முதலாளி அதை பார்த்து நல்ல சம்பளம் தர மாட்டார்' எனக் கூறினர்.
.
அதற்கு அந்த மனிதன், 'நான் இந்த முதலாளியிடம் நல்ல சம்பளத்தை எதிர்பார்த்து நேர்மையாக உழைக்கவில்லை. இந்த முதலாளி எனக்கு சம்பளம் குறைவாக தந்தாலும் என்னுடைய பெரிய முதலாளியாகிய தேவன் நியாயமான சம்பளம் தருவார் என்பதே என நம்பிக்கை. அவருக்காகவே நான் உண்மையாய் உழைக்கிறேன்' என்றான்.
.
ஆம், இவ்வுலகிலே நம் முதலாளிகள் எப்படிப்பட்டவர்களாக இருந்தாலும், அதாவது விசுவாசியானாலும், அவிசுவாசியானாலும் அவர்களுக்கு கீழ்ப்படிந்து உண்மையாய் உழைக்க வேண்டும். உதாரணமாக வேதத்திலே தானியேல், யோசேப்பு போன்ற வாலிபர்கள் புறஜாதியான ராஜாக்களிடத்தில் பணி புரிந்தாலும் தங்கள் பணியில் உண்மையோடும் உத்தமத்தோடும் இருந்தனர். அதோடு தேவனை பிரியப்படுத்தும் காரியங்களில் மிக ஜாக்கிரதையாக இருந்ததால் தேவன் அவர்களை மிக உயர்ந்த பதவியில் அமர்த்தினார். நீங்கள் பணி புரியும் வேலை ஸ்தலத்திலே உங்களுக்கு கொடுக்கப்பட்ட வேலை மிக சிறியதாக இருக்கலாம். பிறரால் அற்பமாக எண்ணப்படுகிற வேலையாயிருக்கலாம். ஆனாலும் அதை முழு ஈடுபாட்டொடும், உண்மையோடும் செய்யுங்கள். அதை உயர் அதிகாரிகள் கண்டு கொள்ளாமல் போனாலும், மதிக்காமல் போனாலும் தேவன் உங்களை நிச்சயமாய் கனம் பண்ணுவார்.
.
உங்கள் அலுவலகத்திலோ, நீங்க வேலை செய்யும் இடத்திலோ உங்களது நடவடிக்கைகளை கண்காணிக்க யாரும் இல்லாதிருக்கலாம், இருப்பினும் உங்கள் பணியினை மிக உண்மையோடும், உத்தமத்தோடும் செய்யுங்கள். ஏனென்றால் உங்கள் செயலை மட்டுமல்ல, இருதயத்தையும் காணும் உயர்ந்த அதிகாரி இயேசு உண்டு. அவர் சிறு வேலையில் உங்கள் உண்மையை கண்டு, உங்களை அநேகத்;தின் மேல் அதிபதி ஆக்குவார்.
.
பிரியமானவர்களே, இதுவரை நீங்கள் உண்மையும் உத்தமுமாய் உங்கள் கடமைகளை செய்த போதிலும் இதுவரை எந்த நன்மையும் அடையாமல் இருக்கலாம். ஆயினும் சோர்ந்து போகாதிருங்கள். நமது நோகக்மெல்லாம் மனிதர்களிடமிருந்து நன்மைகளை பெறுவதில் மட்டுமே இருக்க கூடாது. நன்மைகளை தேவனிடமிருந்தே எதிர்பாருங்கள். தேவன் பலன் தருவார். ஆகவே நீங்கள் செய்யும் எந்த வேலையையும் மனிதருக்கென்று செய்யாமல், கர்த்தருக்கென்றே மனப்பூர்வமாய் செய்யுங்கள். அது வீட்டு வேலையோ, பள்ளி வேலையோ, அரசு வேலையோ எதுவாயிருந்தாலும் வேலையின் தரத்தையல்ல, உண்மையையே தேவன் பார்க்கிறார். அந்த உண்மையை இறுதிவரை காத்து ஆசீர்வாதத்தை பெற்று கொள்வோமாக! ஆமென் அல்லேலூயா!
(Anudhina Manna, A Free Daily Devotional)

கிறிஸ்தவ வாழ்க்கை

.
சகோதரரே, அதைப் பிடித்துக்கொண்டேனென்று நான் எண்ணுகிறதில்லை; ஒன்று செய்கிறேன், பின்னானவைகளை மறந்து, முன்னானவைகளை நாடி, கிறிஸ்து இயேசுவுக்குள் தேவன் அழைத்த பரம அழைப்பின் பந்தயப்பொருளுக்காக இலக்கை நோக்கித் தொடருகிறேன். - (பிலிப்பியர் 3:13-14).
.
கிறிஸ்தவ வாழ்க்கை என்பது அநேகருக்கு ஏதோ நாம் கர்த்தரை ஏற்று கொண்டோம், நம் வாழ்வில் வருகிற காரியங்களை கர்த்தரே அனுமதிக்கிறார், ஏதோ வாழ்ந்தோம், பிழைத்தோம், மரித்தோம் என்று வாழ்ந்து முடித்து கொண்டிருக்கிறார்கள். உண்மையில் கிறிஸ்தவ வாழ்க்கை என்பது அது அல்ல, கிறிஸ்தவ வாழ்க்கை ஒரு ஜெயமுள்ள வாழ்க்கை, வெற்றி எடுக்கிற வாழ்க்கை, ஆவிக்குரிய போராட்டத்தில் ஜெயம் பெற்று, கர்த்தருக்காக சாதிக்கிற வாழ்க்கை!
.
ஒரு சகோதரியை எடுத்து கொள்வோம். அந்த சகோதரி, தன் குடும்பத்தை நேசிக்கிறார்கள். தன் பிள்ளைகளுக்கு பாடம் சொல்லி கொடுத்து, தன் வேலைக்கு சென்று சம்பாதித்து, சமைத்து, தன் குடும்பத்தோடு சந்தோஷமாக இருக்கிறார்கள். தன் மீதமான வேலையில், தனக்கு கிடைத்த கொஞ்ச நேரமாவது பொழுது போக்கான காரியத்தில் ஈடுபட வேண்டும் என்று செய்திதாள் அல்லது புத்தகங்களையோ பார்த்து கொண்டிருக்கிறார்கள். அவர்கள் ஒன்றும் பெரிய பாவத்திலோ, மற்ற தேவன் விரும்பாத காரியங்களிலோ ஈடுபடுவதில்லை. இந்த தன் வாழ்வு வாழ்ந்தால் போதும் என்று நினைத்து கொண்டிருக்கிறார்கள். சபைக்கு நேரமிருந்தால் சென்று கொண்டிருக்கிறார்கள்.
.
ஒரு சகோதரனை எடுத்து கொள்வோம், அவரும் தன் குடும்பத்தை நேசிக்கிறார். சபைக்கு எப்போதாவது போகிறார். தன் குடும்பத்திற்கு தேவையானதை செய்கிறார். தனக்கு கிடைக்கும் நேரத்தில் ஜெபிப்பதில்லை. ஏதோ பெயர் கிறிஸ்தவராக வாழ்ந்து கொண்டிருக்கிறார்.
.
இன்னொரு சகோதரன் இருக்கிறார், சபைக்கு ஒழுங்காக செல்கிறார். ஆனால் பாவத்தில் விழுந்து விழுந்து எழுந்து கொண்டிருக்கிறார். கேட்டால் 'ஆவிக்குரிய போராட்டத்தில் நான் இருக்கிறேன். நீதிமான் ஏழுதரம் விழுந்தாலும் திரும்பவும் எழுந்தரிப்பான்' என்று சொல்லி, சொல்லி எழுபது முறை விழுந்து கொண்டிருக்கிறார். சொல்லப்படுகிற பிரசங்கங்களும், வேத வார்த்தைகளும் மற்றவர்களுக்குத்தான் தனக்கு இல்லை, தான் பரிசுத்தவான் என்கிற நினைப்பு அவருக்கு!
.
இப்படிப்பட்ட வாழ்க்கைதான் சாதாரண கிறிஸ்தவ வாழ்க்கை என்று நாம் நினைத்து கொண்டிருக்கிறோம். இது கிறிஸ்தவ வாழ்க்கையே அல்ல! இப்படிப்பட்ட வாழ்க்கைக்கா கர்த்தர் நம்மை அழைத்திருக்கிறார்? விழுந்து விழுந்து எழுந்து கொண்டிருக்கிற வாழ்க்கையும், நாம் சந்தோஷமாய் இருக்கிற நாட்களை விட கண்ணீர் வடித்து கொண்டிருக்கிற வாழ்க்கையும், தேவைகள் சந்திக்கப்படாமல், குறைவுகளோடு வாழ்ந்து கொண்டிருக்கிற வாழ்க்கையையுமா கர்த்தர் தம்முடைய பிள்ளைகளுக்கு கொடுத்திருக்கிறார்? இல்லை, இல்லவே இல்லை!
.
கிறிஸ்தவ வாழ்க்கை என்பது வெற்றி நடை போடுகிற வாழ்க்கை! கிறிஸ்து நமக்குள் இருப்பதால் அன்பை வெளிப்படுத்தும் வாழ்க்கை! உலகம் தரக்கூடாத சமாதானத்தை கொடுத்த கர்த்தருக்குள் சமாதானமாய் வாழும் வாழ்க்கை! பரிசுத்தமாய் வாழும் வாழ்க்கை! இப்படி ஜெயம் எடுத்து வாழ்ந்து, அநேகருக்கு ஆசீர்வாதமாய் வாழுகிற வாழ்க்கையே கிறிஸ்தவ வாழ்க்கை!
.
பவுல் அப்போஸ்தலன் சொல்வதை பாருங்கள், அவர் ஐயோ, என் வாழ்க்கை இப்படி ஆகிவிட்டதே என்று சோர்ந்து போய் உட்கார்ந்து கொண்டிருக்கவில்லை, என்னால் இந்த பாவத்திலிருந்து வெளியே வரமுடியவில்லையே என்று பரிதாப வாழ்க்கை வாழவில்லை, அவர் பட்ட பாடுகளும், அனுபவித்த நிந்தைகளும் மிக அதிகம். ஆனாலும் அவர் சொல்கிறார், 'சகோதரரே, அதைப் பிடித்துக்கொண்டேனென்று நான் எண்ணுகிறதில்லை; ஒன்று செய்கிறேன், பின்னானவைகளை மறந்து, முன்னானவைகளை நாடி, கிறிஸ்து இயேசுவுக்குள் தேவன் அழைத்த பரம அழைப்பின் பந்தயப்பொருளுக்காக இலக்கை நோக்கித் தொடருகிறேன்'. நடந்த காரியங்களை நினைத்து அதிலேயே உட்கார்ந்து கொண்டிருக்காமல், பின்னானவைகளை மறந்து, முன்னானவைகளை நாடி இலக்கை நோக்கி ஜெயத்துடன் முன்னேறி கொண்டே இருக்கிறார். அதுப்போல நாமும் விழுந்த இடத்திலேயே திரும்ப திரும்ப விழுந்து கொண்டிருக்காமல், பின்னானதை மறந்து, கர்த்தர் நமக்கு கொடுத்திருக்கிற ஓட்டத்திலே பொறுமையோடே வெற்றியோடு ஓடி முடிப்போமா! அதுவே சிறந்த கிறிஸ்தவ வாழ்க்கை!
.
தூசியை உதறிவிட்டு எழுந்தரிப்போமா, கர்த்தர் நமக்கு கொடுத்த அருமையான வாழ்க்கையில் கட்டுக்களை அறுத்துவிட்டு, வெற்றியின் ஜீவியம் செய்து முன்னேறி செல்வோமா? 'தூசியை உதறிவிட்டு எழுந்திரு; எருசலேமே, வீற்றிரு; சிறைப்பட்டுப்போன சீயோன் குமாரத்தியே, உன் கழுத்திலுள்ள கட்டுகளை அவிழ்த்துவிடு' - (ஏசாயா 52:2) என்ற வசனத்தின்படி, உங்களை கட்டியிருக்கிற கட்டுகளை நீங்கள்தான் அவிழ்க்க வேண்டும். அப்படி அவிழ்க்கும்போது, தேவன் திரும்ப அந்த கட்டில் அகப்படாதபடி அதற்கு தேவையான பெலனை தருவார். தொடர்ந்து வெற்றியின் வாழ்க்கை வாழ கிருபை செய்வார். ஆமென் அல்லேலூயா!
(Anudhina Manna, A Free Daily Devotional)

நடப்பதெல்லாம் நன்மைக்கே

.
அன்றியும், அவருடைய தீர்மானத்தின்படி அழைக்கப்பட்டவர்களாய் தேவனிடத்தில் அன்புகூருகிறவர்களுக்குச் சகலமும் நன்மைக்கு ஏதுவாக நடக்கிறதென்று அறிந்திருக்கிறோம். - (ரோமர் 8:28).
.
ஒரு அரச அரண்மனையில் ஒரு மந்திரி இருநதார். அவர் எப்போதும் என்ன நடந்தாலும் 'எல்லாம் நன்மைக்கே' என்று கூறுவார். ஒரு முறை அந்த நாட்டின் அரசர், 'நீங்கள் என்ன எப்போதும் எல்லாம் நன்மைக்கே என்று கூறுகிறீர்கள்?' என்று கேட்டார். அதற்கு அவர், 'ஆம் நமது நன்மைக்கே எல்லாம் நடக்கிறது' என்று கூறினார். அதன்பின் இருவரும் வேட்டைக்காக காட்டில் சென்று கொண்டிருந்தனர். அப்போது அரசர்; தன் வில்லை எய்யும்போது, தவறுதலாக அவர் விரலின் மேல் பட்டு, விரல் வெட்டுப்பட்டது. அப்போதும் அந்த மந்திரி, 'எல்லாம் நன்மைக்கே' என்று கூறினார். அதை கேட்ட அந்த அரசருக்கு கோபம் வந்தது, 'நான் என் கை வெட்டுப்பட்டு துடிக்கிறேன், நீர் என்ன இதுவும் நன்மைக்கே என்று கூறுகிறீர்' என்று கோபத்தோடு கூறி அவரை சிறையில் அடைத்தார். அப்போதும் அந்த மந்திரி 'எல்லாம் நன்மைக்கே' என்று கூறினார்.
.
சில நாட்கள் கழித்து, அந்த அரசர் மீண்டும் வேட்டைக்கு செல்லும்போது, கானகத்தில் வெகு தூரம் சென்று விட்டார். அவரை அங்கிருந்த காட்டுமிராண்டிகள் பிடித்து கொண்டுபோய் தங்கள் கடவுளுக்கு பலி செலுத்த இழுத்து கொண்டு போனார்கள். பலி செலுத்தும் அந்நேரத்தில் அவர் விரலிலிருந்த காயத்தை பார்த்துவிட்டு, 'ஓ, பழுதான பலிகளை எங்கள் கடவுளுக்கு செலுத்த கூடாது' என்று கூறி அந்த அரசரை விடுதலை செய்து விட்டுவிட்டார்கள். அந்த அரசர் விடுதலையானதும் நேரே சிறைசாலைக்கு போய், அந்த மந்திரியை விடுவித்து, 'நீங்கள் சொன்னது சரிதான், என் கையில் வெட்டுபட்டது நன்மைக்குதான். இல்லாவிட்டால் நான் நரபலியாகி இருப்பேன். சரி, நான் வெட்டுப்பட்டது நல்லதுதான். ஆனால் நீங்கள் அநியாயமாய் சிறையில் போடப்பட்ட போதும் எல்லாம் நன்மைக்கே என்று கூறினீர்களே, நீங்கள் சிறையில் இருந்தது எந்தவிதத்தில் நன்மை?' என்று கேட்ட போது, அந்த மந்திரி சொன்னார், 'நல்லவேளை நான் சிறையில் இருந்தேன், இல்லாவிட்டால், நான் உங்களோடு வேட்டைக்கு வந்திருப்பேன். உங்களுக்கு பதிலாக என்னை நரபலி செலுத்தி இருப்பார்கள்' என்று கூறினார்.
.
அன்றியும், அவருடைய தீர்மானத்தின்படி அழைக்கப்பட்டவர்களாய் தேவனிடத்தில் அன்புகூருகிறவர்களுக்குச் சகலமும் நன்மைக்கு ஏதுவாக நடக்கிறதென்று அறிந்திருக்கிறோம் என்று வேதம் கூறுகிறது. அவருடைய தீர்மானத்தின்படி அவருடைய பிள்ளைகளாய் இருக்கும் ஒவ்வொருவருக்கும், அவரிடத்தில் அன்பு கூருகிறவர்களுக்கும் சகலமும் ந்னமைக்கேதுவாகவே நடக்கிறது. சகலமும் என்று சொல்லும்போது, அது நன்மையான காரியங்களாய் இருக்கலாம், அல்லது தீமையான காரியங்களாய் இருக்கலாம், ஒருவேளை சந்தோஷமோ, துக்கமோ, இனிமையானதோ, கசப்பானதோ, எளிமையானதோ, கஷ்டமானதோ, சௌக்கியமானதோ, துன்பப்படுதலோ, வாழ்வோ, சாவோ எதுவாயிருந்தாலும் கர்த்தரிடத்தில் அன்பு கூருகிறவர்களுக்கு எல்லாம் நன்மைக்கேதுவாகவே நடக்கிறது. சிலவேளை நாம் நம் வாழ்வில் வரும் துன்பமான காரியங்களை வைத்து, தேவனுக்கு என்மேல் அன்பேயில்லை, நான் ஏன் இந்த பாடுகள் பட வேண்டும் என்று புலம்பலாம். ஒருவேளை உங்கள் வேலையிடத்தில் நீங்கள் பாடுகளை சந்திக்க நேரலாம். உங்கள் குடும்பத்தில் வரும் பாடுகளினாலே நீங்கள் சோர்ந்து போயிருக்கலாம். ஆனால் ஒன்றை மனதில் வைத்து கொள்ளுங்கள். கர்த்தரிடத்தில் அன்பு கூருகிறவர்களுக்கு சகலமும் நன்மைக்கேதுவாகவே நடக்கிறது.
.
யோசேப்பின் சகோதரர் கள்ளமில்லாத அந்த வாலிபனை, கொடிய குழியில் போட்டு அவனை கொல்ல நினைத்து, பின் அந்த பக்கமாய் எகிப்திற்கு தங்களுடைய சரக்குகளை விற்க சென்ற இஸ்மவேலரிடம் விற்று, அவர்கள் அவனை எகிப்தியன் ஒருவனுக்கு விற்றார்கள். அவன் அங்கு அநேக பாடுகள் பட்டு, பின் தேவனால் உயர்த்தப்பட்டு, பார்வோனுக்கு அடுத்த அதிகாரத்தில் இருக்கும்போது அவனுடைய சகோதரர்கள், அவனிடம் அவன்தான் யோசேப்பு என்று அறியாமல், அவனிடம் தங்கள் பஞ்சத்திற்காக தானியம் வாங்க எகிப்திற்கு சென்று அவனோடு பேசி கொண்டிருக்கையில், 'யோசேப்பு தன் சகோதரரை நோக்கி: என் கிட்ட வாருங்கள் என்றான். அவர்கள் கிட்டப்போனார்கள்; அப்பொழுது அவன்: நீங்கள் எகிப்துக்குப் போகிறவர்களிடத்தில் விற்றுப்போட்ட உங்கள் சகோதரனாகிய யோசேப்பு நான்தான். என்னை இவ்விடத்தில் வரும்படி விற்றுப்போட்டதினால், நீங்கள் சஞ்சலப்படவேண்டாம்; அது உங்களுக்கு விசனமாயிருக்கவும் வேண்டாம்; ஜீவரட்சணை செய்யும்படிக்குத் தேவன் என்னை உங்களுக்கு முன்னே அனுப்பினார்' - (ஆதியாகமம் 45:4,5) என்று கூறுவதை காண்கிறோம். ஒருவேளை யோசேப்பின் சகோதரர் அவனை இஸ்மவேலரிடம் விற்றபோது, தன் எதிர்காலம், தன் கனவுகள் எல்லாம் அழிந்து போனது என்று யோசேப்பு நினைத்திருக்கலாம். இனி எனக்கு வாழ்வேது என்று நினைத்திருக்கலாம். ஆனால் ஒருநாள் வந்தது, அவன் எகிப்து முழுவதற்கும் அதிகாரியாக மாறி, தன் குடும்பத்தையும் தேசத்தையும் இரட்சிக்கும்படி தேவன் அவனை முன்பே அனுப்பினார் என்பதை அவன் அறிந்து இந்த வார்த்தைகளை தன் சகோதரரிடத்தில் கூறினான். தீமையையும் நன்மையாக மாற்றும் தேவன் நம் தேவன். ஆமென் அல்லேலூயா!
.
நீங்கள் இப்போது படும் பாடுகள் எல்லாம் ஒருநாள் நன்மையாக மாறுவதை காண்பீர்கள். இப்போது நாம் அதை உணராவிட்டாலும், பின் அதை அறியும்படி தேவன் கிருபை செய்வார். ஆகையால் மனம் தளராதிருங்கள். சோர்ந்து போகாதிருங்கள். நடப்பதெல்லாம் நன்மைக்கே என்று கர்த்தரிடம் எல்லாவற்றையும் ஒப்புகொடுத்துவிட்டு, அவருடைய செயலுக்காக காத்திருங்கள். கர்த்தர் எல்லாவற்றையும் நன்மையாக மாற்றுவார்.
(Anudhina Manna, A Free Daily Devotional)